Popular Bible Verses from 1 PEDRO 2

Share

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

Pay kikin cuerpompi juchasninchejta k'aspi cruzpi aparqa, noqanchejta juchaspaj wañusqas kaspa, cheqanta kausananchejpaj. Paypa nanayninraykutaj jucha onqoymanta thañichisqas kankichej. Ñaupajtaqa chinkasqa ovejas jina karqankichej; kunantaj kutiripunkichejña almaykichejpa michejnin Cristoman.

Ñaupa p'unchaykunapeqa manaraj aylluchu karqankichej, kunanrí Diospa ayllunña kankichej. Jinallataj, ñaupa p'unchaykunapeqa Diospa khuyakuyninta manaraj tarerqankichejchu, kunantaj tarinkichejña.

Espirituman jina, llimphu lecheta munaychej, ñuñoj wawas jina, chaywan salvaciompaj wiñanaykichejpaj, sichus Señorpa k'acha kayninwan misk'ichikorqankichej chayqa.

Munasqa hermanos, mañakuykichej, waj llajtayojkunata, chayri purikojkunata jina, ama aychaj munasqasninta qhatinaykichejta, imaraykuchus chaykunaqa almaj contrampi maqanakunku. Allinta kausakuychej Diosta mana rejsejkuna ukhupi. Paykunaqa sajra runaspaj jina qankunapaj rimashanku; Señor chayamojtintaj, Diosta yupaychanqanku, allin ruwasqasniykichejta rikuspa.

Qankunapis kausaj rumis jina, Espiritupi uj templo jina ruwasqas kankichej, ajllasqa sacerdotes kanaykichejpaj; Jesucristonejta Diosman Espiritupi allin kaj jaywanasta jaywanaykichejpaj.

Chayrayku tukuy laya sajra yuyayta saqeychej, tukuy laya ch'aukiyayta, puraj uya kayta, qhawanakuyta, tukuy sajra rimaykunatawan.

Señorman qayllaykuychej, kausaj rumiman jina. Paytaqa runas qhesachanku, Diospajtaj ajllasqa sumaj k'acha rumi kashan.

Kacharisqas jina kankichej; amataj kacharisqasman tukuspa, sajrata ruwajkuna jinachu kaychej, astawanqa, Diospa kamachisnin jina puriychej.

Kaymin Diospa munaynenqa: Allin imasta ruwaspa, sajra, mana yuyayniyoj runasta ch'inyachinaykichejpaj.