Popular Bible Verses from 1 PEDRO 1

Share

Yupaychasqa kachun Dios, Señorninchej Jesucristoj Tatan. Paya jatun khuyakuyninrayku watejmanta nacichiwarqanchej, kausay suyayta qonawanchejpaj, Jesucristo wañusqakunamanta kausarimusqanrayku, jap'inanchejpaj mana ismoj, mana ch'ichiyoj, nitaj ch'akipoj chayaqeta. Chaytaj janaj pachapi qankunapaj waqaychasqa kashan.

Chayrayku, kusisqas kashankichej, kunanqa tukuy imaymana llakiykunawan pisi tiempopaj ñak'arinaykichej kajtimpis, creesqaykichej llimphuman tukunampaj, yupaychakuyman, lliphipiyman, jatunchakuymantaj, Jesucristo rikhurimojtin. Creesqaykichejqa qorimanta aswan k'acha. Qoreqa tukukuyniyoj, chaywampis ninanejta ch'uwachasqa.

Imaynatachus qankunata wajyaj Diosqa santo, ajinallatataj qankunapis santos kaychej, tukuy kausakuyniykichejpi. Escriturapeqa nin: Santos kaychej, imaraykuchus noqa santo kani.

Kasukoj wawas jina kaychej, ama sajra imasta qhatispa, mayqenkunatachus ñaupajta ruwaj kankichej, manaraj Diosta rejsishaspa.

Chayrayku, allinta yuyayniykichejta wakichiychej, maychus kajtataj kausakuychej. Tukuy suyayniykichejtataj churaychej chay khuyakuypi; mayqentachus Dios Tata qosonqachej, Jesucristoj rikhurimuynimpi.

Escrituraqa nin: Runaqa qhora jina; tukuy sumaj kausaynintaj qhora t'ika jina. Qhoraqa ch'akipun, t'ikataj t'akakun. Señorpa palabranqa wiñaynintimpaj kanqa. Kaytaj chay palabra, evangelionejta qankunaman willasqa.