Popular Bible Verses from FILIPI, 4

Share

Aua ne‘i popole outou i se mea e tasi, a ia faailoa atu o outou manao i mea uma lava i le Atua, i le tatalo, ma le faatoga, atoa ma le faafetai.

O le manuia foi mai le Atua, o loo silisili lava i mea uma e manatu i ai, e leoleoina ai o outou loto atoa ma o outou mafaufau ia Keriso Iesu.

Le au uso e, o le toe upu lenei; o mea uma ua moni, o mea uma ua ta‘uleleia, o mea uma ua tonu, o mea uma ua mamā, o mea uma ua matagofie, ma mea uma ua logoleleia, afai foi o se isi amio lelei, po o se tasi mea e viia, ia outou manatunatu i ia lava mea.

Ou te mafaia mea uma lava i le faamalosi mai o Keriso ia te au.

Ia outou olioli i le Alii aua le aunoa; ou te toe fai atu, ia outou olioli.

A o lo‘u Atua e faaatoa e ia ia te outou mea uma e matitiva ai outou, e tusa ma le faulai o lona viiga, ia Keriso Iesu.

O mea foi ua a‘oa‘oina ai outou, ma outou talia, ma outou faalogo i ai, ma outou vaai mai ia te au, ia outou faia ia lava mea; ona ia te outou lea o le Atua e ona le manuia.

Ia iloa lo outou agamalu e tagata uma lava; ua lata mai le Alii.

Ua ou iloa le mativa, ua ou iloa foi le mauoa, o i mea uma lava ou te i ai, ma mea uma e oo ia te au ua a‘oa‘oina ai a‘u ia ou ma‘ona, ma ou fia ‘ai, ia faulai mai mea, ma ia oge mea.

Ou te le fai atu ona o le mativa, auā ua a‘oa‘oina a‘u ia to‘a filemu lo‘u loto i mea ua ia te au.