Popular Bible Verses from II TESALONIA, 2

Share

Aua ne‘i faasese se tasi ia te outou i se togafiti e tasi; auā e le oo mai lena aso, seia muai ona taunuu o le tete‘a ese, ma ia faaalia mai o le tagata o le agasala, o le tagata lea o le malaia

A o i matou e tatau ona matou faafetai i le Atua e le aunoa ona o outou, le au uso e, e ua alofagia e le Alii, auā na filifili le Atua ia te outou mai le amataga ia faaolaina i le faapaiaina e le Agaga

o lē tetee atu, ma faamaualugaina e ia ia te ia e sili i mea uma lava ua ta‘uatuaina, ma mea uma ua ifo i ai tagata, o lea ua tietie ai o ia i le malumalu o le Atua, peiseai o le Atua o ia, o loo faaali mai o ia, o le Atua lava o ia.

O lo tatou Alii lava o Iesu Keriso, atoa ma le Atua lo tatou Tamā, o le ua alofa mai ia te i tatou, ma na foai mai le faamatala loto e faavavau, ma le faamoemoe lelei i le alofa tunoa, ia faamafanafana atu e ia i o outou loto, ma ia faatumauina outou i upu lelei uma ma galuega lelei uma.

O le mea foi lea e auina atu ai e le Atua ia te i latou le galuega e faasese ai, ina ia latou talia le mea pepelo

o lona sau foi e pei o le galuega a Satani, i le mana uma, ma faailoga, ma vavega pepelo, ma mea faasese uma o le amio leaga i e a fano; auā ua latou le talia le upu moni ma le fiafia i ai, ina ia faaolaina ai i latou.

Auā o loo galue nei lava le mea lilo a le amio leaga, na ona seia aveeseina le o faalavelave.