Popular Bible Verses from 2 CORINTO 4

Share

bangud nga wala kami nagatolok sa mga butang nga makita kondi sa mga butang nga dimakita; kay ang mga butang nga makita umalagi, apang ang mga butang nga dimakita nagapadayon.

Gani wala kami nagapakaluya. Bisan ang amon tawo nga sa gowa nagakadunut, walay sapayan ang sa sulud nagabag-o adlawadlaw. Kay ang amon mamag-an nga kapipit-an nga sa malip-ot nga tion nagaaman sa amon sing dayon nga kabug-aton sang himaya labaw sa tanan nga mapaanggid

Ginaipit kami sa tagsa ka luyo, apang wala mapioti; ginapalibog, apang wala mawad-i sing paglaum; ginahingabut, apang wala mapatumbayai; ginapanglampusan, apang wala malaglag

Apang may amon sining bahandi sa mga suludlan nga duta, agud nga ang tama nga pagkadaku sang gahum mangin-iya sang Dios kag indi sa amon kaugalingon.

Sa ila bagay ang dios sining kalibutan nagbulag sang mga painoino sang mga dimatinoohon, agud nga indi sila makakita sang kapawa sang maayong balita sang himaya ni Cristo, nga amo ang larawan sang Dios.

Kay ang Dios nga nagsiling, “Ang kapawa magsilak gikan sa kadudulman,” amo ang nagsilak sa aton mga tagiposoon sa paghatag sang kapawa sang pagkilala sang himaya sang Dios sa nawung ni Cristo.