Popular Bible Verses from Jeemsi 4

Share

Dila nyiŋla ni pai nidek meena a te Wen abe ni zɛri jabioku ate wa nyini ni jigi a chali bɛ.

Ni forisi paari Wen ate wa mɛ forisi paari ni. Nama baai ale ka tuimbaata nyam la, ni nari ni nisima ale waba tii ate ni a nye la. Nama baai ale ka popola buye nyam la, ni sugri ni popola tɔgatɔga ŋaai ale bo ni suiniima po la a basi.

Ni yik nidek a zuli Naawen ate wa pai ni chim niŋdeerɔba.

Alege ŋmante kaai ate Wen pai te ti la, a pagra gaam chiik kaai ate wa pai nyo ti po la kama. Ba ŋman ŋmarisi Wen Gbaŋka po a weeni ayen, <<Wa ŋmani a te baai ale kan ta kanjanta la kama alege kasim ta chaab ale baai ale a nak ba kuusa la.>> (Wamagsima 3:34)

Nuru waai ale seba tuimaŋsa tomka, alege a zɛri ŋa tomka la, wa a nye ka wabiok.

Ni ka popola yɔrisima ale ŋan baai ate ni puusi a bek ayen wa pai te ni la. Ka nidek popola baataŋa yaalika nyiŋ ate ni a bek Wen. Ka dila ale soa ate wa kan pai a te ni.

Nama kaboŋ nyeerisaŋa nna, nama zɛ ayen doata ale tɛŋka po ka dachaani ale Naawen ya? Dila nyiŋ waai ale a yaali ayen wa chim tɛŋka po doa la a chim ka Naawen dachiak.

Ni be basi ate m weeni sak ni ayen ni zɛ chum ale ta dii cheen la. Ni a nye se ka pik la, ka dan boro saluiku, ku kan beni ale ge ate ka ŋman a bɛ.