Popular Bible Verses from Yiburu 12

Share

Dila nyiŋla ti baga a weeni kama ayen, nyaba de meena a sak ti kama ayen baai ale ta siaka la, ku a te Wen ka suipeentik. Dila nyiŋla, ni basi ate ti chim nuru baai ale a chali chala la. Dila a sak kama ayen ku a fɛ kama ayen wie ŋaai meena, ase biem dek ale bobi ti tara nna giŋgiŋ la, ale basi ate ti kan baga a chali nwuli nwuli la, ti yuk ŋala basi abe ti a chali chala ŋaai ate Wen ayen ti a chali la ale chichiiba, a kasim a nya Yeezu waai nyiŋ ate ti siaka kasim boro a ta nyini ku piilimka po a ta a cheŋ taam wuu la. Masim buui ate wa jam a limisi ayen wa nya la ale jam soa ate wa nam jabarimu zuk. Wa an jam poom pai chivie ŋaai ate wa le nya jabarimu zuk la a chim wari ya. Yɔgyɔgla de wa be kala ka Wen juga geŋ, zula nyaka jigini.

Diipo ate ti nyiem nya waalika la, dila powa ti sue a kaasi kama, ŋa kan peenti. Alege ti dan siak a te wa, ku a nye ase ka tiib ale a yɔni yɔna la. Ase tiimu ale a yɔni yɔna la, waalika mɛ a te ti ka yɔna. Yɔnaŋa de abe ale masim boka ale wayɔrisima tuima.

Ni pii nyiŋ ate ni ta nye masik ale waai meena, abe ni welema dii nyiŋla, waai ale kan welema la, an baga a boro ale Naawen ya.

Nama dek abe poli nya dii meena ale nye wa jigi la. Wabaata nyam jam kisi wa ka nna yegayega, a nye gaasa mɛ wa jigi. Alege wa jam ta chichiiba kama nalimnyiini. Ni be poli nya kude nya ate ku basi ate nama mɛ ta chichiiba ate yɔgsum kan nye ate nyiŋworuk yik ni.

Ni be basi ate ti te Wen jiam dii nyiŋla, wa te ti ka tɛŋ kaai ate ti le chim nalima la. Tɛŋka de abe kan maa choa a voori. Dila nyiŋla, ni be basi ate ti nye wa jiam abe ti a te wa zula ŋaai le ŋa basi ate wa sui peenti la, abe ti a chali yɔgsum ale wa

Ninam dan jam ni jigi, ni yik nidek a nam ale bu a sak ni ka yam. Ni ninammu a sak kama ayen Wen a nye ni ase ka wa bisa la. Biik boro ate wa ko kan te wa waalika?

dii nyiŋla, ti Wenni a nye ase ka bolim la, ate bu dan dɛ jaab bu dɛ kaasi diila.

Tama koma be ka nurubisa. Ba be a te waalika kama a magsi chaab ale badek ale poli dii ayen ku magsi ti kaasuŋku la. Waalika de a nyiem be kan beni. Alege Wen a te ti waalika kama ayen ku ta nalim jam ti jigi ate ti maa ta weleŋsa ase wa ale ka diila.

Boan nyiŋŋa, ni ale diem boro a nye kpaliŋka ale biem la, ni an diem kpaliŋ paari juijui ate ni le kpi la.