Popular Bible Verses from 1 Timoteo 3

Share

He meꞌe nui-nui mau ꞌana te parautiꞌa haka ꞌite mai era e te ꞌAtua pē nei ē: Te Kiritō i tuꞌu mai ai pa he taŋata, i haka ꞌite rō mai e te ⌊Vārua Maitai⌋ he Poki o te ꞌAtua, ꞌe he merahi te mataꞌite. Te roŋo riva-riva o ruŋa i a ia i haka ꞌite rō ki te hau taꞌatoꞌa, i haka moe rō te manaꞌu o te taŋata ꞌi ruŋa i a ia, ꞌe i toꞌo rō e te ꞌAtua ki muri i a ia.

Te kope mo pūꞌoko haka tere ꞌina ko ai ōꞌona hape. E ai he kope kai oho ki te rua viꞌe ꞌi tōꞌona hāipo-ipo, ꞌite i te hāito i tāꞌana meꞌe kī ꞌe i tāꞌana meꞌe aŋa, ꞌite mo ture hai meꞌe tano, ꞌe e moꞌa rō ꞌana e te taŋata. E ai he kope toꞌo i te nuꞌu kē ki tōꞌona hare mo hāpaꞌo, ꞌe e ꞌite riva-riva rō ꞌana mo hāpī i te nuꞌu.

ꞌite mo haka tere riva-riva i tōꞌona hare, ki haꞌatura ai ꞌe ki moꞌa ai e tāꞌana ŋā poki, ꞌe rā ŋā poki ꞌina ko ai e tahi hape.

Te kope mo taina hāꞌūꞌū e ai takoꞌa he kope kai oho ki te rua viꞌe ꞌi tōꞌona hāipo-ipo, haka tere riva-riva i tōꞌona hare ꞌe i tāꞌana ŋā poki. ꞌE mo aŋa riva-riva o te taina hāꞌūꞌū i tāꞌana aŋa, he ꞌata moꞌa e te taŋata, ꞌe he ꞌata pūai mo haka ꞌite mo oho o ruŋa i te haka moe iŋa i te manaꞌu ꞌi ruŋa i a Ietū Kiritō.