Popular Bible Verses from Roman 16

Share

Nẅùə̀ àporə̀porə̀ à pɨ ghòʼò Satàanə̀ a ɨ̀sùmə mɨ̀kwùə̀ pɨghə. Àpòŋə̀ ntɨŋmə̀ Ndòʼnə̀mbyə̂ Yěsû Kristù â pə ambo pɨghə.

M̀buʼù mbô ambo pɨghə pɨlyimə ɨ̀pâ, nɨ̀ zhìʼtə̀ a wɨghə aŋunə pànə̀ nɨ pobə pa ntô nɨ àghàpə̀ amwuə pɨghə ntsə̀ŋə̀ mɨ̀ntɨŋmə̀ pànə̀ nɨ pobə nùŋə̀nə ntɨŋmə̀ ɨ̀ghobə aŋunə Nẅùə̀. Pobə pa ngɨ̀rə̀ mɨ̀nwùə̀ nɨ ka mɨ pə e myə̀ nɨ pɨ lə̀ nèrə̀nə a wɨghə. Njiilo nɨ̀ ləʼə̀ mbuurə̀ pànə̀ zə̀

ntiinə ka mbuurə̀ pànə̀ zèrə zə̀ mə nfàʼà e la ambo Ndòʼnə̀mbyə̂ Kristù ɨ̀wə̀ənə̀. Pobə pa nfàʼà pə ntii mɨ̀pùmə̀ ɨ̀mobə. Pobə pa ndàŋə̀ la a ndzùmə̀ àləbə̀ pobə ɨ̀shwəŋnə̀ pɨ̀shìʼnə̀ nfɨ̀kə̀ pə̀ənə̀ nɨ pɨ pirə̀nə a ghobə a tɨ̀pòŋə̀ tɨ zhyə̂.

Pə̀ənə̀ tə nguʼtə̀ a Nẅùə̀ nɨ mbə̀ʼə a ŋâ ɨ̀tɨ̀ŋnə̀ ambo pɨghə ndzùŋə̀ a ndzùmə̀ ntwuumə̀ ghù ɨ̀shìʼnə̀ wa nɨ ngwa nchwìitə̀ mbə̀ʼə Kristù la. Zèrə zə ànwùə̀ a pə ànwùə̀ yè lə̀əmə̀nə za nɨ a lə̀ pənə a nɨ̀lə̀əmə̀ aŋunə mɨnguʼu mɨnguʼu la. Tsaʼnə pɨ fuukə̀ mə a furə̀ ndaanə̀, a nɨ làŋə̀ a ndzùmə̀ àŋwàʼnə̀ ngàŋə ntwuumə̀ Nẅùə̀; pɨ tyiʼə̀ ngɨ̀rə̀ ɨ̀laʼà ɨ̀tsùmə̀ zhyə̂ ndzùŋə̀ aŋunə ntə̌ Nẅùə̀ wa nɨ ɨ ghoŋə̀nə nɨ nkuŋə̀ la, ntyiʼə̀ mbyiimə̀ nkɨ ndzuʼnə. Ambo ndàʼà Nẅùə̀ ẅèrə wə̀ nɨ à pənə àzhyə̂ma, àghuʼtə̀ tɨmyə̀ â pə ambo ze ndàŋə̀ a ndzùmə̀ Yěsû Kristù.