Popular Bible Verses from Roman 12

Share

Kò nɨ̀ kɨ ngɨ̀rə̀ mɨ̀nwùə̀ ɨ̀mɨghə ndzùŋə̀ pə ndwuumə̀ nɨ pànə̀ pɨ àtwuə̀ ɨ̀shyə̂ pa ngɨ̀rə̀ mɨ̀nwùə̀ ɨ̀mobə. Nɨ̀ myàʼtə̀ Nẅùə̀ â kẅebə̀ mɨ̀tɨ̀ŋnə̀ ɨ̀mɨghə, ngɨ̀rə̀ ɨ̀kwàŋə̀ ɨ̀pɨghə tyiʼə̀ pɨ̀shwuə̀. Lenəla, ghɨ̀rə̀ nɨ̀ lanə nzhyə̂ ànwùə̀ nɨ Nẅùə̀ à tàʼnə nɨ a pənə ànwùə̀ za nɨ Nẅùə̀ à kòŋə̀nə nkɨ mbə ànwùə̀ za nɨ a təəmə̀nə.

Pɨlyimə ɨ̀pâ, tsaʼnə Nẅùə̀ à koorə̀nə mɨ̀lɨŋə̀ ɨ̀məənə̀ la, m̀buʼù mbô ambo pɨghə lo nɨ̀ ŋâ mbɨ̀ŋmə̀ ɨ̀zɨghə tsaʼa ɨ̀pwuumə̀ nɨ̀shwàʼà nɨ pèrə laanə̀nə, Nẅùə̀ a kɨ nkòŋə̀ a pèrə. Lə̌ àlàŋə nɨ a kùʼnə̀nə lo nɨ̀ səəkə̀ a Nẅùə̀.

Nɨ̀ kwàŋə̀ nɨ nɨ̀ghaʼà, mbə nɨ àpotə̀ ntɨŋmə̀ amwuə nkwùə̀ ngəʼə̀, mbə nɨ àpyiimə̀ ntɨŋmə̀ amwuə àchàʼtə̀ Nẅùə̀ nkwùə̀ ɨ̀tsùmə̀.

Kò nɨ̀ myàʼtə̀ lo tɨ̀pòŋə̀ a tsàarə̀ a wɨghə. Nɨ̀ tsàarə̀ a tɨ̀pòŋə̀ pə nɨ ɨ̀pòŋə̀.

Nɨ̀ mə nkòŋə̀ mbɨ̀ŋmə̀ ɨ̀zɨghə nɨ ɨ̀kòŋnə̀ Ɨ̀poonə̀ pɨ Kristù, nguʼtə̀ pɨlyimə ɨ̀pɨghə amwuə ndwuumə̀ nɨ pobə pa nguʼtə̀ a wɨghə.

Nɨ̀ ghɨ̀rə̀ ɨ̀kòŋnə̀ ɨ̂ pə ɨ̀kòŋnə̀ nkǔŋə nkuŋə, mbàanə̀ ànwùə̀ tɨ̀pòŋə̀, la ngẅìimə̀ ànwùə̀ yè ɨ̀shìʼnə̀ nkwɨghə̀ aŋunə.

Nɨ̀ ghɨ̀rə̀ ànwùə̀ àtsùmə̀ amwuə ɨwɨghə pàa a nɨ zəənə̀ lo nɨ̀ chyə̂ nɨ àporə̀porə̀ pɨghə pɨ pànə̀ pɨ̀tsùmə̀.

Pɨ̀swùə ɨ̀pâ nɨ ǹkòŋə̀nə, kò nɨ̀ tə nkẅuə̀ a tɨ̀pòŋə̀ àtwuə̀ tɨ̀pòŋə̀. Nɨ̀ myàʼtə̀ ɨ̀sàʼa pə̀ənə̀ ambo àtsə̂ ntɨŋmə̀ Nẅùə̀ ntiinə àŋwàʼnə̀ Nẅùə̀ a shwəŋə̀ lo, “Nɨ̀kẅuə̀ a tɨ̀pòŋə̀ a ànwùə̀ mə̀, mbɨ kẅuə̀ à shwəŋə̀ Ndòʼnə̀mbyə̂.”

Nɨ̀ fàʼà nɨ ɨ̀tɨ̀ŋnə̀ kò nɨ̀ tə ndoŋnə̀. Nɨ̀ fàʼà ambo Ndòʼnə̀mbyə̂ nɨ ntɨŋmə̀ wɨghə ɨ̀tsùmə̀.

A nɨ zùŋə̀ àpòŋə̀ ntɨŋmə̀ Nẅùə̀ nɨ à wa nnèrə̀ ambo mɨ̀ŋə̀, ngwə̀ nshwəŋə̀ a wɨghə moʼo moʼo lo kò ŋònə̀ ɨ̀tse a kwàŋə̀ e lo à faŋə̀ ntsàarə̀ tsaʼnə à pənə. La â zhìʼtə̀ e ndòo mbɨ̀ŋmə̀ e tsaʼa mɨlyiʼə ŋwùə̀, ndzùŋə̀ àpyiimə̀ ntɨŋmə̀ za nɨ Nẅùə̀ à ŋânə ambo ze la.

Kò nɨ̀ tə kẅùə̀ a tɨ̀pòŋə̀ àtwuə̀ tɨ̀pòŋə̀. Nɨ̀ kyiitə̀ a nɨ ghɨ̀rə̀ ànwùə̀ nɨ a pòŋə̀nə a ɨ̀myə̂ ŋwùə̀ ntsùmə̀.

Nɨ̀ pə nɨ ɨ̀kòŋnə̀ pobə taʼà àkwàŋə̀ amwuə pɨghə. Kò nɨ̀ tə nkoʼò mbɨ̀ŋmə̀, nɨ shwuʼkə̀ mbɨ̀ŋmə̀ ɨ̀zɨghə pə a ɨ̀shyə̂ mbə pɨghə pɨ pànə̀ nɨ pɨ pənə a ɨ̀shyə̂. Kò nɨ̀ tə ntèrə̀.

Njyə̀ ɨ̀ mə ndzaŋə̀ ngàŋə̀ kɨpaanə o, wə̀ ŋâ e nɨ mɨ̀zɨghə̀, ntɨŋmə̀ e ɨ zwuumə̀, wə̀ ŋâ e nɨ àzwuumə̀ yè nônə. Wə̀ tə mmə ngɨ̀rə̀ a lenə, wə̀ chyâ ɨ̀sɨŋnə̀ àtwuə̀ ze.

Nɨ̀ tə ŋŋâ mborə̀ ambo pànə̀ nɨ pɨ pa nnyàŋə̀ a wɨghə, kò nɨ̀ kɨ nchyâ pə ndòonə̀ àtwuə̀ pobə. Nɨ̀ mə ngaʼà pɨghə pɨ pànə̀ nɨ pɨ mənə ngaʼà, nkɨ mə ngyìi pɨghə pɨ pànə̀ nɨ pɨ mənə ngyìi.

Nɨ̀ tə ŋŋâ ɨ̀pwuumə̀ ambo ɨ̀poonə̀ pɨ Nẅùə̀ nɨ ka àzobə a pə e ghu, nkɨ mmə nkẅiirə̀ pɨ̀ghɨ̀ɨnə̀ amwuə mɨ̀ndâ ɨ̀mɨghə.

Tyìʼə̀ tsaʼnə taʼà mbɨ̀ŋmə̀ à pənə nɨ ɨlaamə pɨ̀noʼnə, ɨlaamə pèrə pə̀ kɨ ka mə fàʼà e a taʼà àfàʼà la, a kɨ mbə tyìʼə̀ ndəŋə ndəŋə lo mbaa pə tsaʼnə pə̀ənə̀ noʼnə la, pə̀ənə̌ taʼà mbɨ̀ŋmə̀ ntiinə pə̀ənə̀ chyə̂nə mbə taʼà ŋwùə̀ pə̀ənə̀ pɨ Kristù mbwuutə̀ mbɨ̀ŋmə̀ ɨ̀zəənə̀ pə̀ənə̀ pə̀ənə̀ tsaʼa ɨlaamə taʼà mbɨ̀ŋmə̀.