Popular Bible Verses from Röm 13

Share

Kä ruɔnyɛ rɔ kɛ Kuäär ni Yecu Kritho, Kä /cuarɛ go̱r ni puɔ̱ny ikä kɛ lätnidun kɛ tin go̱o̱rɛ.

/Cuarɛ tekɛ mi ŋua̱l kɛ raan, kä nhɔakɛ ni rɔ̱, kɛ ɣöö ram mi nhɔk ram mi dɔ̱ŋ cɛ pek ŋutdä kɛɛliw la̱t.

A nɛy diaal luɔ̱thkɛ ruëëc nath. Kɛ ɣöö thilɛ ruëëc ti tekɛ lua̱ŋ mi /ka̱n ɛ lar ɛ Kuoth, kä lua̱ŋ ruëëcni min te thi̱n ŋun ɛ Kuoth.

Ci wäär thia̱k kɛ thuɔ̱k, ci bak ɣɔaa thia̱k. Ka̱mnɛ lät muɔ̱th raar, kä la̱thnɛ ko̱t buɔyä.

Nhök /cɛ gua̱n thieekä a lätdɛ kä duer, kɛ ɣöö nhök ɛ jɛn pek ŋutdä kɛɛliw.

Ka̱mɛ kua̱r diaal tin la nyinkiɛn, a tho̱lbo̱k wä kä tin görkɛ tho̱lbo̱k, dualɛ kɛ tin ro̱ŋ kɛ dual, kä luɔ̱thɛ nɛy tin dëë luɔ̱th.