Popular Bible Verses from Röm 12

Share

/Cuarɛ ce̱tkɛ ji̱ ɣɔaa ɛmɛ, gɛ̈rɛ ciaaŋ cärädun, ɛn ɣöö dee yɛn min go̱o̱r Kuoth ɛ ŋa̱c agɔaa, mi gɔaa, min nhɔkɛ, kä thil diw ŋa̱c.

Kɛ kui̱ ɛmɔ, dämaari, la̱ŋä yɛ kɛ kɔ̱a̱c lɔaac Kuɔth, ɛn ɣöö thöpɛ rɔ̱, Kuɔth ala muc ti tëk, ala ti rɛ̈lkɛ rɔ̱, kä nhɔk Kuoth kɛ, min la duɔ̱ɔ̱p palä yieenikun in thuɔ̱k.

A lo̱ckun tɛth kɛ ŋa̱th kɛ mi bi ben, ta̱yɛ kɛ dhieel rɛy rikni, kä la̱ŋɛ ni ciaŋ.

A yɛ /ca tiam ɛ jiäk, kä tiamɛ ni jiäk kɛ gɔɔy.

Nhɔakɛ rɔ̱ ala raan kɛnɛ däman, kä görɛ jɛ i̱ bia rɔ̱ nyuɔ̱th luth kamnikun.

A nhök la thuɔ̱k, kä nyi̱r mi jiääk. Kä käp ni mi gɔaa.

Mi derɛ rɔ lot, görɛ jɛ ɛn ɣöö bia cieŋ kɛ mal kɛ nɛy diaal.

Nhöökä, /cuarɛ rɔ̱ col, pa̱lɛ jɛ waŋ lɔaac Kuɔth, kɛ ɣöö ca gɔ̱r ɛn ɣöö ɛ Kuäär ni Kuoth i̱, “Cut ɛ duŋdä, bä jɛ col.”

La̱tdɛ a bum a yɛ cɛ dual, la̱tdɛ Kuäär ni Kuoth ikä kɛ yiëëdun kɛɛliw.

Ɣän ruacä kɛ ramɔ kä yɛn diaal kɛ puɔ̱th baaŋ in ci Kuoth ɛ ka̱m ɣä, kɛ ɣöö /ci raan rɔɔdɛ bi car i̱ di̱tni jɛn a leny ca̱r in dee ca̱r kɛ jɛ, kä bi raan ca̱r muɔ̱lä, ramɔ kɛ pek ŋäthä min ci Kuoth ɛ ka̱m ɛ.

/Cuarɛ mi jiääk col kɛ mi jiääk, kä carɛ wi̱cdun kɛ min gɔaa nhiam nɛɛni diaal.

Ciaŋɛ rɔ kɛɛl rɛy nho̱kä, /cuarɛ rɔ kap nhial kɛ liak, kä ka̱nɛ ni ciaaŋ kɔ̱cä. Kä /cuarɛ jɛ car i̱ pɛl ni yɛn.

Ca gɔ̱r bä i̱, “Mi näk gua̱n tɛ̈ru buɔth ɛ, mi̱i̱thni jɛ. Kä mi näk rɛw ɛ, määthni jɛ, kɛ ɣöö kɛ la̱t kä nɔmɔ bɛ jɛ jak kä po̱c.”

Puɔthɛ nɛy tin ciaŋkɛ yɛ a jiäk, puɔth kɛ, kä /cuarɛ kɛ lam. A lo̱ckun tɛth kɛɛl kɛ nɛy tɔ̱ tɛth lo̱ckiɛn tɔ̱, kä ro̱tdɛ kɛɛl kɛ nɛy tɔ̱ ro̱t tɔ̱.

Nyuekɛ kɛ nɛɛ Kuɔth tin thil duɔ̱ɔ̱r, lëpɛ dho̱rkun jur.

Ce̱tkɛ min te kɔn kɛ cuŋ ti ŋuan rɛy pua̱a̱ny kɛl, kä /ci cuŋ pua̱ny diaal lät ni kɛl. Kɛ jɛn duɔ̱ɔ̱p ɛmɔ kɔn diaal, cäŋ ŋuan kɔn lapnɛ puɔ̱ny kɛl rɛy Kritho, kä kɛ̈l kɛ̈ɛ̈li ca kɔn mat ala cuŋ pua̱a̱ny kɛl.