Popular Bible Verses from Filipi 4

Share

Hètattohoro ahuattek ehawwa; ati, jio emojiti hatai 'daŋ, omojoti jio Hollum erre 'daŋ hunne iwahata itai. Oduloro esiorio ahumo jihonyi elle imojoti itai.

Tania, te enoso hatai iko Kristo Yesu, irumana adi itai nelik taji Hollum, anna agalik 'to ofioro waati 'daŋ. Ogottiere adi inyi atajia hatai iko egigilita hatai onno oyyu.

Illarak iko haniyarak hoŋ, etisidok ni ta ajiaran jio, ijiara erre hunno oyiji 'to, hunne iyaŋunie 'to olohuo, ifuti jio egigilita hatai; erre hunna arai 'to hode, hunne ilamani 'to ta amijio, hunno obisi, hunno olibori, hunne iyaŋunie 'to abuaran taji, iko hunno oyiji 'to te etayirio.

Aremik ni iwojuna erre 'daŋ, ta agolon enne isiarak Kristo jihoŋ.

Oduloro amuno te enoso hatai iko Lamonye; enyiak fe ni idas jio, omunoti!

Ta awanan Hollum hoŋ iko esamiti 'daŋ, isiarak adi inyi jihatai, to Kristo Yesu, erre 'daŋ hunne iwahata itai.

Amanyati te erre hunyia iyiyenuna itai buo fe ifuotuna jihoŋ; erre hunyia ekiana ni iko hunyia ehanio ni. Tania, owon adi Hollum ikatai; Hollum elle isiarak 'to jihohoi nelik tajia.

Ijiara aati 'daŋ omijani anyalami hatai; nyio, iliaha attuna ono Lamonye.

Amijak ni ara elociaŋ kuyya asaman aŋai. Ettiyenu ni imanyari te elik tua imasik 'daŋ, oloŋi 'daŋ; duadi bu aniama ni kuyya efoŋ ni, ifuroi erre jihoŋ kuyya aŋaramahini.

Abeŋ ni ekiana erre hunia jio, aŋaramahi obo ariŋ jihoŋ, nyio, ettiyenu ni itoŋori te elik tua ta ariŋ onno owon 'to jihoŋ.