Popular Bible Verses from Horiso 63

Share

Ơ Kră Yang 'Bok Kei-Dei Ih boih Kră Yang 'Bok Kei-Dei inh, inh krao chă Ih; thoi teh hrĕng kro, hơđang, ưh kơ đei đak. Bơhngol inh rơhing kơ Ih. Akâu jăn inh hơpơi kơ Ih.

Yua kơ tơdrong 'mêm Ih, Gĭt hloh kơ tơdrong arih; Hơkŭng inh bơnê ư-ang kơ Ih.

Thoi noh, inh gô hơri bơnê kơ Ih đĭ chăl arih inh; Hăm anăn Ih inh gô yơ̆r ti krao khan.

'Bôh tơdrong mơyang păng, tơdrong ư-ang Ih. Thoi inh 'bôh Ih lăm anih rơgoh.

Yua kơ Ih đei tơgŭm inh boih, Ala yơ̆p pơnăr Ih na inh gô hơri chơt hiôk. Bơhngol inh oei kơjăp lăm Ih, ti 'ma Ih tơgŭm tơiung inh.

Kơplah inh 'bĭch kơpal giơng inh 'blŏk kơ Ih. Na inh kral gak prăt măng tơchĕng kơ Ih ling-lang