Popular Bible Verses from Le 32

Share

Lu kon pơlei lăng Môis hiơ̆ kơ jur đơ̆ng kông, lu sư akŭm hloi tăp dăr kơ Arôn păng khan kơ sư: Pơm bĕ kơ bơ̆n lu rup yang năm adrol kơ bơ̆n; yua kơ Môis tơ'ngla mă tơlĕch bơ̆n đơ̆ng char Êyiptơ noh bơ̆n ưh kơ băt ôh tơdrong kiơ truh kơ sư bơih.

Kră Yang khan kơ Môis: Jah jur bĕ, yua kơ lu kon pơlei pơla ih, lu bơngai mă ih đei chông tơlĕch lu sư đơ̆ng char Êyiptơ, lu sư pơm glăi răm bơih, lu sư đĭ hăt kơ tơklah boih đơ̆ng trong Inh đei tơtă ăn kơ lu sư. Lu sư man pơm rup kon rơmo kơdih lu sư bơih, lu sư kơkuh păng pơyơ̆r tơmam soi kơ rup noh, klaih kơ noh lu sư khan; Ơ bơngai Isơrael, 'nâu yang ih, tơ'ngla mă đei chông tơlĕch ih đơ̆ng char Êyiptơ!

Arôn 'bôh tơdrong noh, sư pơm minh pôm chơnang soi 'bơ̆t anăp rup rơmo kon noh; păng ôr re khan. Pơgê dơning đei pơm giĕng kơkuh pơyom kơ Kră Yang. Pơgê dơning lu sư iung đơ̆ng hrôih, klaih kơ noh lu sư pơyơ̆r tơmam soi 'buh, hăm tơmam soi 'blŏk bơnê, lu kon pơlei pơla hơ-oei, wă sa et, đơ̆ng noh lu sư iung hơnul pơchơt.

Năr dơning Môis khan kơ lu kon pơlei pơla lu iĕm pơm bơih minh tơdrong glăi tih. Mă-lei dang ei inh wă tŏk tơ kông năm tơ Kră Yang. Rŏ lăng inh kư̆m gơh apinh huai iŏk tơdrong yoch lu iĕm.