Popular Bible Verses from ޔާމިޒުގެ ސިޓީ 5

Share

އެހެންވީމާ ކަލޭމެންގެ ތެރެއިން އެކަކު އަނެކަކަށް ކުރެވިފައިވާ ފާފަތަކަށް އެއްބަސްވެ ތައުބާ ވާށެވެ. އަދި އެކަކު އަނެކަކަށް ހެޔޮ ޙާލުގައި ވުމަށް އެދި ދުޢާކުރާށެވެ. ޞާލިޙު ގޮތުގައި ޙަޔާތު ވޭތުކުރަމުން ދާ ފަރާތްތަކުގެ ދުޢާތައް ބާރުގަދަވެފައި ބަރުދަން ހުންނާނެއެވެ.

ކަލޭމެންގެ ތެރެއިން މީހަކު މުސީބާތުގައި ވާނަމަ މާތްރަސްކަލާނގެ ކިބަފުޅުން އެހީތެރިކަމަށް އެދި ދުޢާ ދަންނަވާށެވެ. ކަލޭމެންގެ ތެރެއިން މީހަކު އުފަލުގައި ވާނަމަ މާތްރަސްކަލާނގެ ކިބަފުޅަށް މަދަޙައިން ޙަމްދު ސަނާ ދަންނަވާށެވެ.

ކަލޭމެން އީމާންތެރިކަމުގައިވެ ބަލިޙާލަތުގައިވާ މީހާއަށް ދުޢާ ކުރުމުން އެބައިމީހުންގެ ބައްޔަށް ޝިފާ ލިބި މާތްސާހިބާ އެބައިމީހުންގެ ބަލި ހެޔޮކޮށް ދެއްވާނެއެވެ. އަދި އެބައިމީހުން ފާފަވެރި ވެފައިވިނަމަވެސް އެކަލޭގެފާނު އެބައިމީހުންގެ ފާފަތައް ޢަފޫކޮށްދެއްވާނެއެވެ.

ކަލޭމެންގެ ތެރެއިން މީހަކު ބަލިޙާލަތުގައި ވާނަމަ ޖަމާޢަތުގެ ބޮޑުންގެ ކިބައިން އޭނާގެ ކައިރިއަށް އައުމަށް އެދި އޭނާގެ ބަލި ޙާލަތާއިމެދު މާތްރަސްކަލާނގެ ކިބަފުޅަށް ދުޢާކޮށްދިނުމަށް އެދޭށެވެ. އަދި މާތްސާހިބާގެ ނަންފުޅުން ބަލި ޙާލަތުގައިވާ މީހާގެ ހަށިގަނޑުގައި ޒައިތޫނި ތެޔޮ އުނގުޅައި މާތްރަސްކަލާނގެ ކިބަފުޅަށް ހުށަހަޅައި ދިނުމަށް އެދޭށެވެ.

އޭރުން ޙައްޤުން އެއްކިބާވެފައިވީ ފާފަވެރިޔާ ހެޔޮމަގަށް ގެނެސް ދިނުމުން އޭނާގެ ފުރާނަ މަރުން ސަލާމަތް ވެއެވެ. އަދި އެބައިމީހުންގެ ގިނަގުނަ ފާފަތައް ޢަފޫކުރައްވައެވެ.