Popular Bible Verses from ޢިބްރާނީންނަށް ސިޓީ 8

Share

އެމީހުން ކިތަންމެ ގޯހަކަސް ތިމަންކަލާނގެ އެމީހުންގެ ފާފަތައް އަފޫކުރައްވައި އޯގާވެރިވެ ވޮޑިގަންނަވާނަމެވެ. އަދި އެމީހުންގެ ފާފަތައް ތިމަންކަލާނގެ ހަނދުމަފުޅު ނައްތަވާލައްވާނަމެވެ.⁠“

އެކަމަކު ތިމަންކަލާނގެ އިސްރާއީލުންނަށް މި އާ ޢަހުދުނާމާ ގާއިމު ކުރައްވައި، ތިމަންކަލާނގެ މީސްތަކުންގެ ސިކުނޑިއަށް އެއަމުރުފުޅުތައް ވައްދަވައި، އެއަމުރުފުޅުތައް އެމީހުންގެ ހިތްތަކުގައި ލިޔުއްވާނެ ދުވަސް އެބަ އާދެއެވެ. ތިމަންކަލާނގެ ވާހުށީ އެމީހުންގެ ކަލާނގެ ކަމުގައެވެ. އަދި އެމީހުން ވާހުށީ ތިމަންކަލާނގެ މީހުން ކަމުގައެވެ.

އެމީހުންގެ ތެރޭން އެކަކު ވެސް އަނެކާގެ ގާތް ތިމާގެ ރައްޓެހިންގެ ގާތުގައި ތިމަންކަލާނގެ އިތުރު ތަޢާރަފެއް ބުނެދޭކަށް ނުޖެހޭނެ އެވެ. އެ މީހުންގެ ކުދިބޮޑު އެންމެންނަށް ތިމަންކަލާނގެއަކީ ކޮބައިކަން އެނގިގެން ވާނެ އެވެ.

އެކަމަކު އެޢަހުދުނާމާގައި ހިމެނޭ މީހުންގެ އުނިކަން ދައްކަވަމުން އެކަލާނގެ ވަޙީ ކުރެއްވިއެވެ. ”⁠ތިމަންކަލާނގެ އިސްރާއީލުންނާއި ޔަހޫޛާއިންނާމެދު އާ ޢަހުދުނާމާއެއް ކުރައްވާނެ ދުވަސް އެބަ އާދެއެވެ.

ބުނަން މި އުޅޭ ވާހަކައަކީ އަހަރެމެންގެ އުއްތަމަ އިމާމަކު ހުރި ވާހަކައެވެ. އެ އިމާމަކީ އުޑުގައިވާ އަރުޝިކޮޅުގައި ގަދަކީރިތިވަންތަ ރަސްކަލާނގެ ކަނާތްޕުޅުގައި އިންނެވި އިމާމެވެ.