Popular Bible Verses from 1 โคริน 5

Share

มัฮ ตอก เฮี ป ไซฮ อาึ รโปะ ละ เปอะ. ดัฮ ไก ป เอีจ อัฮ ติ แตะ มัฮ เอียกปุ ไน พะจาว เยอ, ดัฮ เลน ลั่ง จุ, ดัฮ ฆวต ไอฮ โฮฮ ฆวต ไอฮ วิฮ, ดัฮ ทื ลั่ง ฮุป, บรุ เพือ ปุย, ดัฮ กอ ญุ่ยจ ลั่ง, ดัฮ บระ ปอก โฮ, ไมจ เปอะ โตว โฮมว ดิ ไม่ ติ ตื เนอึม ปุย ตอก เซ. โซม ปุ ไมจ เปอะ โซม ไม่.

ไมจ เปอะ ตุย โปวฮ ป ฆอก ป อาวต ลลาึง เปอะ ป ตอก เจือ คโนมปัง เซ เดอึม โม เปะ ซ แปน ปุย ซง่ะ ซงอม ตอก คโนมปัง โคระ ป โอ ไก เจือ, ป โซม ปุย ไน กัน เลียง ฌาว โฮ. อาึ เอีจ ยุง เงอะ มัฮ เนอึม โม เปะ ปุย ตอก เซ. พะคริต ป มัฮ ตอก แกะ ป โกว ปุย นึง กัน เลียง ฌาว โฮ, เอีจ ฟวยจ มอก ปุย ทไว เยอ.

มัฮ โตว อาึ ป ลัง ตัตซิน โอเอีฮ ละ ปุย โอ เจือ เยอ. มัฮ พะจาว ป ตัตซิน ละ อื. โม เปะ ปังเมอ ไมจ เปอะ รเตีฮ ไอฮ โอเอีฮ ละ ปุ แตะ ไน คริตซจัก ยุฮ เปอะ. โม เปะ ไมจ เปอะ ทอเนาะ โน่ง ปุย ฆอก ปุย เบร เซ เกือฮ โอ เญือะ มัฮ ไม่ เปอะ.