Popular Bible Verses from Иоаннил тӀоцебесеб кагъат 3

Share

Рачӏа, дир лъимал, нилъго цоцазе рокьилин, рагӏудалъунги кӏал-мацӏалдалъунги гуреб, ишалдалъунги ва хӏакъабщиналдалъунги.

Нилъее гӏоло гьес жиндирго рухӏ кьеялдалъун лъана нилъеда Масихӏил рокьи, нилъецаги вацазе гӏоло рухӏ кьезе ккола.

Нилъ Аллагьасул лъимал ругилан абизе ва хӏакъикъаталдаги гьеллъун рукӏинеги Инсуца нилъее кьун бугеб рокьиялъухъ балагье нуж. Гьаб дуниялалъул гӏадамазда Аллагь лъаларелъул, нилъги рикӏкӏунел гьечӏо гьез.

Мунагь гьабулевги илбисалъул рахъалда вуго, авалалдаса бахъарабго мунагь гьабулеб бугелъул гьеб. Илбисалъул ишал хвезаризейин Аллагьасул Вас загьирлъарав.

Аллагьасдасан лъугьаравщинас мунагь гьабуларо, гьесулъ Аллагьасул тӏабигӏат бугелъул. Гьесда мунагь гьабизе кӏоларо, гьев Аллагьасдасан лъугьун вугелъул.

Дуниялалъул бечелъи жиндир бугев чиясда жиндирго вац мискинго вихьидал гьев кьурун вуссунев вугони, Аллагьасде рокьи гьесулъ кисаха букӏинеб?

Жиндир амру тӏубазабулев чи Аллагьас жиндего цолъизавула, живго гьев чигун цолъула. Гьес нилъее кьураб Рухӏ нилъелъ букӏин бихьунин нилъеда лъалеб гьев нилъгун цолъун вугевлъи.

Гьеле гьелдалъун ратӏа гьаризе лъала Аллагьасул лъималги илбисалъул лъималги: ритӏухъаб гьабуларевщинавги ва жиндирго вац вокьуларевщинавги Аллагьасдасан гуро.

Авалалдасанго нилъехъе амру бачӏун букӏиндалха нилъ цоцазе рокьайилан.

Гьединго гьаб дуниялалъе нуж рокьунгутӏиялда гӏажаиблъуге, вацал.