Popular Bible Verses from Рим 5

Share

Хъа Месигь, гьеле ухьу гунагькрар вушра, ухьхъанди гъакӀну, ва гьамдиинди Аллагьди, ухьухьна вуйи Чан масанвал фукьан аьхюб вуш, улупну.

Умудну ухьуз кучӀлар апӀидар, фицики Аллагьдин масанвал, Аллагьдихьан багъишди дуфнайи Гирами Рюгьналанмина ихь юкӀвариъ убзна.

Мидланра гъайри, аьзаб-дерднаъра ухьу шад вухьа, фицики аьзаб-дердериъ ухьу сабурлу шулайиб аьгъяхьуз. Сабурлувалиъ хасият мюгькам апӀура, хъа мюгькам гъабхьи хасиятналан умуд арайиз гъюра.

Ихь Агъа Иса Месигьдихъ хъугъну, ухьу гьякь духьнайиган, Аллагьдихъди Иса Месигьдилантина ихь аьлакьйир дерккунхьа. Ихь хъугъувалиинди ухьу ахънайи рягьимлувал Гьадгъулантина улупнахьуз, ва, Аллагьдин аднакан ухьуз рубкьруб аьгъяди, гьамус лап шад вухьа.

Ухьу зяифди айиган, Месигь ухьхъанди гъакӀну. Ухьу Аллагь гьясбикк ккадарди яшамиш шули гъахьунхьа, гьаци вушра Месигь улупнайи вахтна ухьхъанди гъакӀну.

Гьамус, Месигьдин аьжалилантина Аллагьдин улихь ухьу гьякь духьнайиган, мидлан артухъ, Гьадгъу Аллагьдин хъялнахьан уьрхидихьу.

Гьаци вуйиган, сарин мютӀюгъ дарували гизафдар гунагькрар гъапӀубси, Сарин мютӀюгъвали гизафдар гьякь апӀиди.

Ухьу неинки дюрхну хьиди, хъа гъира, Гьадгъуланмина Аллагьдихъди албагнайидар, Аллагьди ихь Агъа Иса Месигьдиланмина лап шад апӀурахьу.