Popular Bible Verses from Коринф-2 4

Share

Учу рябкърубдиз лигурадарча, хъа – дярябкърубдиз, гьаз гъапиш улариз рябкъруб вахтназтӀан дар, хъа дярябкърайиб – гьаммишандиз.

Гьаддиз учу ккагънадарчу. Гьеле учу ликрилан алдахънашра, хъа айтӀан йигълан-йигъаз таза шулача. Фицики ич пчӀу ва вахтназтӀан дару аьзабари учуз артухъ ва гьаммишандиз вуйи адлувал хура.

Вари терефарихъанди учу чӀюркьюра, амма дюргънадарча. Учу миж кимдру гьялнаъ ача, амма умуд кадабтӀнадарич. Учухъ хъергри шулу, амма улʼан идитнадарчу. Бегьем дурччвначу, амма йивну дукӀнадар.

Учу гьамциб хазна ругдин гъабариъси, уьбхюрача. Му ккудудубкӀру кьувват, ич ваъ, хъа Аллагьдин вуйиб улупурача.

Гьаму дюнʼяйин аллагь-иблисди хътругърударин фагьум, Чаъ Аллагь ачмиш апӀурайи Месигьдин адлуваликан вуйи Ужувлан хабарнан акв дярябкъюз, кур апӀура.

Гьаз гъапиш «МучӀушнаан, гъит, акв удубчӀври», – гъапи Аллагьди, Иса Месигьдин машниин рябкъюрайи Аллагьдин аднакан аьгъювалар туври, ич юкӀвар аку апӀура.