Popular Bible Verses from Ezekiel 37

Share

Tua ciangin kei kiangah, " Hih guhte tungah thu genkhol inla amaute kiangah, ‘Guhkeute aw, TOPA gen za ta un! Hih guhte tunga Thupipen TOPA thugen hih ahi hi: Na sungah huu a ka lutsak dinga na nungta ding uh hi

Note tungah thagui ka thuah dinga satak dimsakin vunin kong tuam ding hi; note sungah huu ka lutsak dinga tua ciangin na nungta ding uh hi. Tua ciangin keimah TOPA ka hilam nong thei ding uh hi,’ ci in," hong ci hi.

Amah in kei kiangah, "Mihing tapa aw, hih guhte a nungta thei ding hiam?" ci-in hong dong hi. "Thupipen TOPA aw, nang bek in na thei hi," ka ci hi.

TOPA khut ka tungah hong kinga a, TOPA Kha in kei hong paikhiatpihin kuam laizang khatah hong omsak hi; tua kuam ah guhsia bekbek a om hi. Amah in tuate lakah kei hong vakpih kawikawi a, tua kuam sungah guh tampitak kiphah ziahzuahin tua guhte a keu giugeu hi.

Tua ciangin hong kisawl bangin thu ka genkhol hi. Ka thugen hun sungin a gamlum khat hong om a kitat luapluapin guhte amau mun ciatah a kithuah uh hi. Ka et leh tuate tungah thagui le satak hong kithuah a, vun in a tuam hi, ahi hangin amaute sungah huu a om nai kei hi.