Popular Bible Verses from Iba Gana 77

Share

Anduane Homogo-o biabe timbuni í̱na biriruni mitangibu dai bulebero. Bambaore í̱na mbirale tara nahendene ale bigi biriru mitangi budai bulebero. Biabe bibahendeore í̱na biriru damene mitangi biaiore holebero. Í̱na biabe hongohe taraore bigi biriruni mitangi biai holebero.

Ngode Datagaliwabe-o mbirale nahendene ale agalime bibe nahe ngaru biai haga í̱ni hanguore kegoni. Bamba í̱na wali agali dindi tara tarani bu hearuhondo í̱ninaga hongo timbuni walia harigoni.

Ngode Datagaliwabe-o í̱na bigi biriligo bibahende bayale tigabiore birili. Mbirale bi pupu wule dama mitangi bialu gime wabini ngaruni bibahendeore í̱ ale mbira nawiore. Í̱na uruni bolangua haihe kegoni.

I̱na Ngode Datagaliwabehondo hongo howa olalu kogoni. I̱na ibuhondo bi larogo hale habe lalu olalu kogoni. Genda anda ibirangi i̱na Anduane Homogohondo bi laruli. Mbiraga bibahendengi i̱na gi yaraga halu Anduane Homogohondo bi laruligoyu i̱ha mo palia holene nawi dege kogoni.