Popular Bible Verses from Ebrews 6

Share

Ku samah pahamku nawiy kamaxwa avitit guyokman inme guyokman ka warak in kamaxgu kabayntiwa, hawata wixwiy kamaxwa avitit Kiyavwiye Uhokri gikaksan kabayka wotwiy. Inakni gikaksan in ke iyokmantibe ku pariye kamax adahan avanenekwa. In kamaxwiy gikak Kiyavwiye Uhokri aynte inurik aharaptak ini kamis amaptenten Kiyavwiye Uhokri giwskeki kiyatenene.

Ig Kiyavwiye Uhokri ig waditye. Ig ka miyeh yannivwi ku samah yis kannivanene gidahan. Ig ka miyeh ku samah minikwak yis amnih gihiyegavu, kuviknene yis amnihgikis, awaku ku samah yis batekye gikak Kiyavwiye Uhokri.

Inakni giwn adahan ku samah ig ikaksa wotwiy kabayka payak akak inakni giwn adahan ku samah ig ka uniyehti gihiyekemni, inakni pitenemnene iwit ka hiya mpiyaki. Mmanawa ka ik adahan Kiyavwiye Uhokri kinis. Nikwe inakni giwn pitenemnene in ikene wawaygi kabayntiwa mmanawa wixwiy kuwis bisike git Kiyavwiye Uhokri adahan wixwiy darih ini kabayka ku pariye gikaksan wotwiy.

Uyay ikaw kiyavwiyebetnewa abet uhiyekemniwiy. Uyay ka misakwa henenwatma akak ini akavuska hiyakemniki gimin Cristo ku pariye kuwisnene yis kannuhka nimin. Uyay tiviknene kannuhwenene amin Uhokri gihiyekemni akiw. Nah ka kannuhyi akiw amin ku samah amawka wixwiy wages uhiyekemniwiy ariw ukehbetanwiy ku pariye waditnevyenen, adahan wixwiy kamaxwene givitit Kiyavwiye Uhokri.