Popular Bible Verses from 2 Obakki 4

Share

Erica te kobbe ni, “Kara myero an doŋ atim gin aŋo ba? Ŋo ame yin itye kede i odi?” En ogamo ni, “Mom atye i ginnoro kadi acel, adwoŋ, kono ka tabo me moo keken en ame tye.”

I kare-nono dako moro acel ame cware oto, i akina mon odwarpiny obino baŋ Erica te kobbe ni, “Adwoŋ, cwara oto oko! Kite ame yin iŋeo kede, en onwoŋo obedo dano ame lworo Obaŋa, ento aman lo moro ame onwoŋo en tye i banya mere obino te bino tero awobena aryo me wot bed opii mere me culo banya.”

Erica te kobbe ni, “Wot baŋ owoteni me iwot ikwa gulli i baŋgi ame yigi nono apol acalo itwero.

Eka yin karacel kede awobeni ite donyo wunu i ot, ite cego wunu doggola oko, cak onyo moo iyi gulli ducu. Gulu ame open, kwany icwal teŋe.”

Kare ame en doŋ opiko moo opoŋ gulli ducu, en openyo wode ka ce gulu ocele pwod odoŋ. Wode te gamo ni gulu moro mom doŋ tye. Moo te doŋ cuŋ oko kun mom dok mol.

En te dok baŋ Erica te wot titte, Erica te kobbe ni, myero en wot cat moo oko me ecul kede banya, me en karacel kede awobe mere okonyere kede en ame odoŋ.

Dako-nono daŋ te wot donyo awobe mere aryo i ot ote cego doggola oko; en te bedo onyo moo iyi gullu kun awobe mere cwaye gulli.

En te ya malo wot buto i kom atin kun keto doge i dog atin, waŋe i waŋ atin, opyelo daŋ bade i bad atin. I kare ame tye obuto oryeye aryea i kom atin, kom atin te cako doko alyet oko.