Popular Bible Verses from ꞌThianaattõ 50

Share

Baa adĩmannaangu niig nganĩĩt ꞌbuth dĩdĩ, ũũhũ hinnia Nyekuci thõõth niccia haꞌnyaha bũnnai ꞌcĩ ꞌyioko acinnu niig buúk ko. Bũnnai cĩ ẽẽlanĩ nẽẽ rũgẽt cĩ eet ꞌcĩg mẽẽlĩg ꞌrĩng.

Ẽdẽcĩ hinnia Yothebo ĩhõõggõ anneek, “Hõlõ, ma hiꞌngolinnaangu. Hõllõngaa hĩĩnĩ naa Nyekuc. Hĩnĩngĩtĩ hõllõngaa aduhõõ makaaꞌthĩt caannĩ hĩ cĩnnĩ.

Haduhaakuung dĩdĩ, ma haaꞌnyiku ꞌthinneeti hĩĩtõ cadũũng cadũũng haaga, haꞌthuunnuung hatĩ naa ngagiit hĩ lõhõlĩ cugguung vẽlẽk.” Nĩngĩtĩ aaꞌnyĩkĩ Yothebo ꞌgõtõõnõgĩ hĩĩtõ ꞌthinneeti ꞌwuang.

‘Uduktaak hatĩ Yothebo ĩĩttĩk haini naa, ma nga haarihi thõõth baa adĩmanni ꞌgotoonogu ꞌbuth ꞌthĩnĩt.’ Ẽlẽ, baa ꞌthẽk hĩdĩmattii ꞌbuth dĩdĩ, tamaatĩheet baaĩ nuun ngagĩĩt dticcianniook cĩg Nyekuc cĩ maaconu.” Ma baa õdõlan nyeemuut ciee Yothebo ho, akannĩ hinnia ulwa nĩĩcĩ noho.

Ma baa ĩcĩnõõthĩ Yothebo õbõhĩ daahĩthĩ, ũtũvva ꞌgõtõõnõgĩ nẽ ĩĩnnĩk, “Hõlõ lõggõõ cieegi, nganĩĩt mĩĩ ciee ĩcĩttaangu hõbõhĩ hadaaha ho. Nẽ ma hammuku ainnu eelluung occa hatĩ nganĩ. Aꞌthuunnuung hatĩ Nyekuci ĩꞌthõng hobodduung looccaa ĩbaa ippotaneek nẽẽ Abũrahaamõ hĩ Iꞌthaako hĩ Yakobo.”

Nẽ aaꞌnyĩk Yothebo lõhõlĩ cĩg Ĩꞌthĩraẽlĩ hũbũtanit hĩĩtõ, “Aku hatĩ eelluung Nyekuci ngagiit dĩdĩ, nẽẽthĩ, adiim ocooddu ẽmmẽ cĩgannĩg looccaa ĩĩcĩ.”

Nĩngĩtĩ adaaknĩ Yothebo Ijjiba baa ũũppanit irkiꞌnyia cĩgĩnnĩg ĩĩtõ ꞌmiia hõdẽĩ hĩ õmmõtõ (110). Baa ẽẽt akĩĩmĩta ĩnõõnnõ hẽẽng nẽ ũtũũnyĩtõ ẽgẽrnẽẽnĩĩ ꞌcĩg gõõng aaꞌnyĩk eet hiittiõõ hõllõngaa ahũhũt hĩdĩĩkoothong nẽ ittikta aarrik cadduhatõõ Ijjiba.