Popular Bible Verses from Luugithõõ 6

Share

“Nẽẽthĩ hoti ho, duhaak eet cĩg Ĩꞌthĩraẽlĩ anneek, ‘Hĩĩnĩ naa Makayyioohit nẽ hõõgannuung hatĩ naa ngagiit pĩĩrnattaa ꞌcĩ accanannuung eeta cĩg Ijjibi ho. Hõõgannuung hatĩ naa ngagiit ngaatĩ iiginnu appahacaaꞌnya cĩggĩĩng nẽ hẽẽlauung ꞌtirriaanaa caannĩ ĩcobbi ĩcĩ huuki eet cĩg Ijjibi.

Helemuung hatĩ naa ngagiit ĩĩtõ eet cĩgannĩg dẽẽdẽ nẽ hĩĩna naa Nyekuc cunuung. Nẽẽthĩ hatĩ agayyu niig ngaatĩ hĩĩnnĩ naa Makayyioohit Nyekuc cunuung, baa hõõgannuung ngagiit ꞌcannaana cĩ eet cĩg Ijjibi.

Haꞌnyahaannuung hatĩ naa ngagiit looccaa baa habũtaneehi Abũrahaamõ hĩ Iꞌthaako hĩ Yakobo, nẽ haaꞌnyuung hĩĩ looc cunuung. Hĩĩnĩ naa Makayyioohit.’ ” Ma ho, ũũk uduhaak Mũũꞌtha eet cĩg Ĩꞌthĩraẽlĩ thõõth icci, abũrĩ hinnia eeta cĩg Ĩꞌthĩraẽlĩ ngaatĩ athĩknĩ ĩnõõnnõ, hĩnĩngĩtĩ baa uduulli ĩhõõggõ ꞌthinneeti hĩ pĩĩrnanĩt ꞌcĩ ecebiini nẽẽgĩ.

Nĩngĩtĩ aduhaakĩ Makayyioohiti Mũũꞌtha annẽẽkĩ, “Acini aattĩ hatĩ nii ꞌyioko thõõth ꞌcĩ hadticaneehi naa habu cĩ Ijjibi. Hĩnĩngĩtĩ ꞌtirrian cĩ aꞌthiit caannĩ, alahaneek hatĩ nẽẽ eet hõõt nẽ itiggia ĩhõõggõ looccaa cĩnnĩ.”