Popular Bible Verses from 1 Korinthia 1

Share

Nẽẽthĩ, baa ẽbẽra Nyekuci thooꞌthiok cĩg ꞌgiithẽttaak cĩg looc nicci, hátĩ haaꞌnyĩk ngaaoni eet ꞌcĩg ẽggẽẽnyĩthĩ nẽ ẽbẽra thooꞌthiok ꞌcĩg hõllõngaa attiran cĩg lootu, hátĩ haaꞌnyĩk eet ꞌcĩg attiran ngaaoni.

Hĩnĩngĩtĩ ĩĩn nyeemuut cĩ hurucceeo ꞌgiithẽnĩt hĩ eet ꞌcĩg hatĩ adaahĩ, nẽẽthĩ, hĩ ngagĩĩt ꞌcĩg heelliaa ho, ĩĩn ꞌtirrian cĩ Nyekuci.

Tananga higgiithi Nyekuci, ẽggẽẽnyĩth nẽẽ ĩllõõan eet vẽlẽk, tananga aaĩ nẽ hĩcĩ hõllõngaa attiranĩ, ĩko nẽẽ attiran ĩllõõan eet vẽlẽk.

Nyekuci ꞌcĩ aũyyuung ngagiit iita ũrũmtĩ hĩ Ngeerĩnĩ Yeesu Krĩstõ Makayyioohit cĩnaac ko, ĩĩn Nyekuc ꞌcĩ aꞌthũũnnĩ thooꞌthiok.

Hammaannikuung naa ngagiit ꞌgotoonoga hĩ ngoonoga, ꞌthaarĩĩ cĩg Makayyioohit cĩnaac Yeesu Krĩstõ, ũrũmtĩ baaĩ nuun niig vẽlẽk, hátĩ hiittiõõ ngẽrõõnĩtĩ hõrggẽẽnaa cunuung tõõ, hátĩ horoong ũrũmtĩ jurrung muhẽẽtta hĩ ꞌthinneetinii cugguung.

Aaĩ ẽẽtĩ ꞌcĩ ẽggẽẽnyĩth ko ĩĩna? Aaĩ ẽẽtĩ ꞌcĩ aga thõõth gẽrrẽẽt ĩĩna? Aaĩ ẽẽtĩ ꞌcĩ aga thõõth cĩ looc vẽlẽk hĩ rũgẽt cĩ eeto ĩĩna? Nga nooyyia baa higgiith Nyekuci ꞌgẽẽnyĩth cĩ lootu?