Popular Bible Verses from 1 KORINMEI 12

Share

Bumaengh bam e twmei, mathiuc khang gay nimei thei layna, meic kathuic khou kathiak baic baicna ndauh pat re.

Nangniw meic guayna hei Khrista tuang pumc e, kumna gaanv khat khat hei nanw khat khat re.

Meic pumc nanw akhat suc ti thei, baihmei guay tei ni lay suc e; nanw akhat ta thuanckulou ti thei, baihmei guay tei ni lay neihla e.

Bumaengh tei rui gaanv khat khou ningting lat sa khang tiilou e, khatni mi Bumaengc tei rui gaanv khat khou thaymei lat sa khang tiilou e. Mi Bumaengc tei rui gaanv khat khou lwmmei tiilou e, baihmei khou tigayloumei kaipat tiilou e; gaanv khat khou Ravguangc pumtan taanc ndauh khang, baihmei khou ravmundinh khang, baihmei khou kaipat tei Bumaengh Nthanmei tuang ny, baihmei tuang ny thay khang tiilou e. Gaanv khat khou thay makmei lat zaat sa khang tiilou e, khatni baihmei gaanv khat khou mi lat kabac tei dinh khang tiilou e.

Mi guay hei Bumaengh akhat na rui, kamei rui ningmei thei layna tiilou tuang e.

Mi kumna, meic pumc nanw guay hei khak langh tuang maekna, khat khat khang kadan karyna lungc e.

Kaipat kazaat mpeyna nai e; tiki mi guay tei tiimei Bumaengc thu akhat na de. Siamruai taanv thu kazaat mpeyna nai e, tiki aniu rui siamruai swmei Kaipouc thu akhat na de. Siamruai tuang taanv khou hei kamei kamei rui taanc ngammei baic baicna nai e; tiki hei tei tiiloumei Racguangc thu akhat na de.

Ravguangc rui phwamling khou rey liangmei khou latdiutatmei nunc lou the; kaneimei khou ravmundinhmei nunc, kathumhmei khou latdinhmei nunc; mi tangv charynmei pumtan taanv taanhmei nunc; mi tangv tigayloumei nunc; nkhavloumei nunc; taanvpy sinmei nunc; thay makmei lat samei nunc tiilou the.

Pumh akhat hei nanw akhat na rui sw mak ge, mi khou tei nanw mpeyna nai e.

Meic pumc khou ramh sw ngam lak ni kumhmei nanw tei ni kage nai de

Meic pumc hei mik khwan e thei, akumhna chu nina cho? Meic pumc hei nukuanc khwan e thei, akumhna ramh rym namh nina cho? Ravguangc kamei rui ningmei thei layna meic pumc tuang nanw guay hei nai bammei hei kumcna duanc kariulou the. Kapwmna hei nanw akhat na rap khwan e thei, pumh swna akumhna nai nina cho?