Popular Bible Verses from KOLOSINYU 3

Share

khinyunyu ge a-keshathyü tsekehü, khinyu nyu ge kenyo ai jü pe ketsülo, Npugü le hagun kemu jü pe hagun ketsü hontse hagun ko me kemu jü pe tsü mvulo shvu.

Hagun nyun pe kazü nyu hon dan mvu le tesoge kebin hon dan rüchün lo.

Hagun no tha lihi thyülo tse-e temi lothyü mvule Npugü lothyü kebin hontseo thyülo.

Tsügenyu hagun Sunggigü le kejülo kela hontse nshün lo a-sonyu thyülo kela genyu, me shwikenjün ketekho kemvu, nyun ketsenyo, bwen kethyü lo nyun kethon

Khrista jo no hagun nyun nyu bin kegwa thyülo, ketsin lü, kenshün lü lo Kapu lüthyüo hagun khinyunyu kesenthyü lo thukeyhun bin lo; lo hagun nyun ki Sunggigü shwen zin binlo. Tsüntimvule hagun jo nyue, hagun thonyue, thalihi kethyü aphu ka Npugü zan nyu thyülo, lo a-genyu n Pvü Sunggigü shwenlo.

Lo tsü aphu nyeki tha lihi-e phin kerhün pe nme thyülo kehü gü keso gü khi benlo.

Hagun le Khrista sin-o pen solo laya tselo, Sunggigü njüzin bin kela Khrista le kebin teso ge hon dan fülo.

Khrista nyun kebwen no hagun nyun ntsenlo, kechamvule hagun no tsü sen-o min nme thyülo nrün genyu hagun kokelo le.

Tsügenyu hagun kazünyu nthyü min le nnyü kehü: Keyüla, nshün kemvu, serikemvu thyü kenyü, lo thaketepen tsü pe teromen kerüshvu hidan hi boshvula lo.

Kechamvule hagun le silao hagun kerhün ron pe Khrista kesin-o Sunggigü ben nyu kebu pe bin laso.

Ai ntsoka we nyun kenta, nyun kekhü, n jvü gwakemvu, metsin kethyü, nmün nyu kemokenu jokezo hidan hi aphu khela lo.

Khinyunyu sa nya, kechamvule hagun le temi whengü lo a-tho aphu khekela si genyu. Tsüntimvule hagun le temi keshün gü khiben lo laso, tsügü thyü kenshün nipe thakesha ketsin nyu a-nyhun keshü gü hontselo hünyo.

Menyepvünyu dan, hagun nunyu solo, anyugun nshwen nya.

N tsenyu dan, thalihi ka-e hagun pepvünyu jo zenlo chi; kechamvule tsühontse kethyü tsüle Npugü le a-kenyü kehü genyu.

Me nunyu dan, hagun nyepvünyu jo zenlo, kechamvule Npugü nyu kehü nyule tson hüzü kethyü genyu.