Popular Bible Verses from KOLOSINYU 2

Share

Hagun Npugü Khrista Jisu lope hagun hon thyülo kela hontse, a-nyu yhunlo. Hagun mentsen ntsun yügü a-ge binlo, a-ge yhunlo, tson-o hagun senthyü keshü hontse ketenyen nyu nkolo, lo Sunggigü keshwen no hagun kesü thyü pvülo.

Temi nme no temi thakesha lo temi tedo pe hagun kevü sentin la mvu nrün genyu petsü lonye, tha tsüdan tsüle temi jvü so, tsüdan tsü le Khrista jvü mvule, kazü hinyu ntsenyu senkethyü jvü keri dan le.

Lo hagun le kemu nyu si bin ai Sunggigü le n gun kemu aphu jü shü lao Khrista sin-o n gun thyü n rhünlo laso. A-le n gun khin pvü bin kehü tejvü dan tsü aphu kati laso, krus ge hüo tsü aphu thyü pe ndi laso.

Kechamvule Khrista ge Sunggigü keyhun jvü aphu sen-o yhun kelo genyu. Lo me sogon kebin lo kekvu sen kebin aphu pe gü, kerhün kesü kela kethyü gü ki gunryü laso.

Tsügenyu temi nme no ketyüketsü, nmvue nga, nmvue shekerhünjon, nmvue Sabbath jon zope nmu nya chi. Tsüdan tsü aphu gunryü titse kebin gü shye dan le, ketsin gü le Khrista.