Popular Bible Verses from PHUNGTHLÛKBIA 4

Share

Thildang vialte nâkin na lungthin ṭha tein kilveng, zeitintiah nunnâk rak chuahnâk hram a si.

Na lamthluan kha hlathlai hmasa law, na lam vialte cu fehter si hna seh.

Hlennâk hmurkâ hi hlawt hna, cun palhsualnâk hmur kha hlapi ah chia.

Fimnâk hi biapi bik a si, cucaah fimnâk hi ngei, na ngeihmi thil vialte ah, theihthiamnâk hi ngeih chih.

Asinain midik hna lam cu ni ceu bantuk a si, cucu chun laifang ceunâk bantuk a si. Misuaksual hna lam cu khuamui bantuk a si, an tlukrilhnâk chan zong an hngal lo.

Kaltâk hlah law, an kilven lai, daw law, an huhphenh lai.

Nuncawnnâk cu fek tein i tlaih law, thlah ti hlah; i tlaih peng ko, zeitintiah na nunnâk a si.

Misuaksual lamthluan ah lut hlah law sualnâk lam ah kal hlah.

Ka fale hna, pa cawnpiaknâk cu ngai u law, theihthiamnâk hngal dingin ngai tuah u.