Popular Bible Verses from PHUNGTHLÛKBIA 3

Share

Na lungthin dihlakin BAWIPA i bochan law, nangmah theihthiamnâk i rinh hlah. Na lam kip ah Amah hngal law, nalam kip ah an hruai lai.

Nangmah mithmuh ah i fimter hlah, BAWIPA ṭih law sual kaltâk.

Na ngeihmi hna he BAWIPA upat law, na hmuh hmasa bik le theitlai hmasa bik hna he. Cuticun na buh in cu an khat lai i na misur nennâk khor misur thar in a khat lai.

Vêl le biatak nih in kaltâk hlah seh; nahngawng ah i bah law, na lungthin tlap cungah ṭial hna.

Ka fapa, BAWIPA chimhrinnâk kha zeirel loin um hlah, asiloah a nunchimhnâk cu duh loin um hlah. Zeitintiah pa nih a lawmhmi fapa nun a chimh bantukin, BAWIPA nih a dawtmi kha nun a chimh tawn hna.

Ka fapa, ka nawlbia hi philh hlah, na lungthin in ka nawlpekmi kha i cinken. Zeitintiah cu nih cun nun khua saunâk le daihnâk an in chap chih lai.

Fimnâk a hmutu cu lunglawmmi a si i theihthiamnâk a ngeimi zong lunglawmmi a si. Zeitintiah ngun karhter luaimaimi nâkin a ṭha deuh i a ṭhami sui nâkin a ṭha deuh. Lungvar nâkin a sunglawi deuh i duhbia na phaimi vialte zong nih an tluk lo.

Tuah ding i ṭhawnnâk na kut i a um ko lio ah, hmuh awkah â tlakmi hna cungah thilṭha siang loin um hlah.

BAWIPA nih fimnâk in vulei hi a dirh i theihthiamnâk in van khi a fehter hna.