Popular Bible Verses from Rom 11

Share

Areng lä äte angxynlyng na tea sa te vi. Angxynlyng na la äni phüng-a awng te kae. Angxynlyng na la äni tähang awng te kae vi. Säthaw üng phung-ang lä dungtäsa awng jawjaw sy. Amen.

Säthaw üng bälungkähae hai mäny saite lä tengxyng y thu te vi. Äni üng aedawng khü saite tea ämi ma la thui mäcai haw y. Äni üng älang na tea ämi ma mäny haw y.

Caekäcai thung-a thui te la, “Ämi la Areng üng bälung thung-a dawng saite tea mäny haw y. Ämi ma la äni tea kaedawng saite kähawi py haw y.

Vaihi dung-a lä hini kätyng khaw te vi. Säthaw üng tähang kähawi phüng-a äni ma re saite yng te khimi na lä äje cäcaw awng te vi rawng. Säthaw üng re saite lä äma üng tähang kähawi qawng-a aenyng te vi. Äni ce üng sa saite qawng-a aenyng te y lyng. Khimi ce üng sa saite phüng-a, Säthaw lä khimi ce tea re te y vi. Hokä dylä Säthaw üng tähang kähawi lä tähang kähawi tätang y lyng.

Olive thingkawng kung kähawi üng cangpre phütä na tea tängang vi dylä, khimi ce lä daithung üng olive kung cangpre na tea lä cangpre kälang na thung-a sätawng kha e vi dy. Nang ce ceng kälang na lä daithung üng olive cangpre na kätyng vi. Jangni-a Säthaw ma Judae khimi na tea aedo saite üng tähang kähawi na vaihi nang ce lä tengxyng y dang ö vi dy. Tudylä nang ce lä tängang te cangpre na kätyng saite Isrelae khimi na tea mäthi y sa ö hang. Nang ce lä makä sa kha aethaw haw ö ai mei. Nang ce lä cangpre haetä kätyng kae vi. Nang ce lä cangpre kae vi kha angjüng na tea aethaw py te y. Angjüng na ni nang ce tea aethaw py te kae vi.