Popular Bible Verses from EKESODU 32

Share

E rile batho ba bona Moše a diega go fologa mo thabeng, ba kgobokanela kwa go Arone, ba mo raya ba re: “Nanoga o re direle modimo o o tla re etelelang pele; gonne ga re itse se se dirafaletseng Moše, monna yole yo o re ntshitseng kwa lefatsheng la Egepeto.”

Ke fa MORENA a raya Moše a re: “Yaa o fologe, gonne morafe wa gago o ò o ntshitseng kwa lefatsheng la Egepeto o sentse. Ba fapogile ka pele mo tseleng e ke e ba laetseng, ba itiretse namane e e bopilweng, ba e obamela, ba e tlhabela ditlhabelo ba re: ‘Ke ona modimo wa lona Baiseraele, o o lo ntshitseng kwa lefatsheng la Egepeto.’ ”

Ya re Arone a bona jalo, a aga aletare fa pele ga yona; Arone a ba a tlhaba mokgosi a re: “Kamoso go tla nna moletlo wa MORENA.” Jaanong ya re kamoso ba phakela, ba tlhaba ditlhabelo tsa phiso, ba tlisa ditlhabelo tsa tebogo. Morago ga moo batho ba nnela go ja le go nwa, ba tloga ba nanoga go tshameka.

Ya re kamoso Moše a raya morafe a re: “Le leofile boleo jo bogolo. Mme ke tla tlhatlogela kwa MORENENG. Motlha mongwe nka bonela boleo jwa lona boitshwarelo.”