Popular Bible Verses from 2 Korinetia 12

Share

Kua tuatua maira ra aia, Toku nei aroa ua, oti ra ua ïa taau: ei te apikepike e taka meitaki ravaʼi toku maroiroi. E teianei, e mea rekareka ïa iaku kia akatietie i toku nei paruparu, kia vai marie te maroiroi o te Mesia i runga iaku nei.

E teianei e mea rekareka iaku te paruparu, te akakino, te pini, te takinga-kino, e te tumatetenga i te Mesia nei; kia paruparu oki au ra, te maroiroi ra au i reira.

Naringa ra au i inangaro i te akatietie, kare au e riro ei neneva; ko te tuatua-mou oki taku e tuatua: te akakoromaki nei ra au, ko te teitei ua aea oki to tetai tangata manako iaku i tana i kite iaku nei, e tana oki i akarongo iaku nei ra. E kia kore au e teitei rava i te maata o tei akakiteia mai iaku ra, i tukuia mai tetai tara i roto i taku kopapa nei, e karere na Satani ei pāpā mai iaku, kia kore au e teitei maata roa.