Popular Bible Verses from Esaya 26

Share

We HOSI, vanhu lava va langutaka eka wena, lava va ku tshembaka, u va nyika ku rhula loku hetisekeke.

Tshembani HOSI Xikwembu hilaha ku nga heriki, hikuva hi xona Ribye ra vutumbelo, leri nga ta va kona hilaha ku nga heriki.

Moya wanga wu lava wena, hambi byi ri vusiku, exihundleni xa mbilu yanga, ndzi navela wena; loko u ba vanhu lava nga misaveni, va dyondza ku endla leswi lulameke.

We HOSI, u ta hi tisela ku rhula, hikuva hinkwaswo leswi hi koteke ku swi endla, hi swi endlile hi matimba ya wena.

Hambiloko u hi ba, we HOSI, a hi tshiki ku ku tshemba; ku navela ka hina lokukulu i ku anakanya vito ra wena.

We HOSI, munhu wo lulama, u n'wi khulelela ndlela leyinene, budula leri a fambaka ha rona, ri basile.

HOSI Xikwembu xi tsongahatile vaaki va muti lowu akiweke ehenhla ka xintshabyana, wa tindlu leto leha, xi mbundzumuxa muti wa vona, xi wu herisa, wu wela ehansi

Pfulani tinyangwa, leswaku vanhu lavo lulama, lava tshembekaka, va ta nghena.