Popular Bible Verses from Amǝ Roma 8

Share

Sǝ sǝm sǝlǝna ama Ɓakuli kǝ tsǝk agir kat ɓǝa pang nǝ ɓoaro, ace lidǝmbǝa mala aɓwana mǝnana à kǝ earce ka, aɓwana male mǝnana tunǝia ace kpata kane male ka.

Ən earǝna nǝi a ɓabumam ama kǝgir pà nǝ̀ gau sǝm sǝnǝa earcearǝu mala Ɓakuli ɗang. Ko ɓǝ̀ lú na, ko auwa, ko amǝturonjar, ko arǝcandǝa mala akukwar, ko ɓǝ̀ ya rǝcandǝa nani ka, à karǝa à nǝ̀ gau sǝm ɗang. Ko ɓǝ̀ agir mǝnana à kǝ kumban a nza man, ko a nza mǝno nǝ̀ yiu ka, ko agir mǝnana a kuli, andǝa mǝnana ata nzali ka, à karǝ ɗang. Kǝgir pà kàm aɓa ɓanza man, mǝnana nǝ̀ gandǝ gau sǝm sǝnǝa earcearǝu mala Ɓakuli, mana aɓa Kǝrǝsti Yesu Mǝtala sǝm ngga ɗang.

Anggo gbal, Bangŋo ka kǝ bwala sǝm nggam aɓa gatti ma'sǝm. Acemǝnana sǝm ngga, sǝm surǝ lang sǝ sǝm nǝ̀ pak hiwi, kǝla mǝnana ɓoaro ɓǝ̀ sǝm pak ka ɗang, sǝa ma Bangŋo mala Ɓakuli nǝ nggearǝì ka, kǝ pak hiwi ace sǝm, nǝ ingge mǝnana à pà nǝ̀ gandǝ cie aɓa cau raka.

Sǝ mana ado sǝm nǝ̀ na, amur amǝnia yì agir ka? Ɓǝ̀ Ɓakuli ka nda ata sǝm ngga, yana ɓwe nǝ̀ lo arǝ sǝm?

Adyan ngga ɓashi pà kàm ɗǝm amur aɓwana mǝnana à nda aɓa Kǝrǝsti Yesu ka ɗang.

Ɓǝ̀ nggūrǝu na kǝ gingnǝ ɗenyicau ma'wun, masǝlǝate ka lú na. Sǝ ɓǝ̀ Bangŋo na kǝ gingnǝ ɗenyicau ma'wun, masǝlǝate ka yilǝmu na andǝ dorǝpwala.

Awo! Aɓalǝ amǝnia yì agir kat ka sǝm kuti amǝ limurǝm, nǝ bu Kǝrǝsti mǝnana earce sǝm ngga!

Ən nggǝ sǝni, atanni mǝno sǝm nggǝ nu ado ka, à kārǝa à nǝ̀ kārǝia arǝ gulo mǝnana à nǝ̀ ngga lǝmndǝa sǝmi nǝ nzǝmo ka ɗang.

Sǝ, yana nǝ̀ gau sǝm sǝnǝa earcearǝu mala Kǝrǝsti? Tanni na nǝ̀ tsǝk ka le, ko do mǝkwane, ko pàtanni, ko nzala na, ko tǝ̀r na, ko kum ɓamuru aɓa ká-mǝɓane na, ko a na raka, lú na le?

Sǝ Ɓakuli mǝnana sǝnggiyi ɓabum ngga, surǝna rǝ ɗenyicau mala Bangŋo. Acemǝnana Bangŋo kǝ zǝmbǝa ace aɓwana mala Ɓakuli, amur gir mǝnana nê mala Ɓakuli na ka.

Aɓwana mǝnana Bangŋo mala Ɓakuli na kǝ gingnǝia ka, à nda ka muna mala Ɓakuli.

Aɓwana mǝnana do malea ka, à kǝ kpata gir mana nggūrǝu kǝ banggia wia ka, ɓabumia nǝ̀ pa arǝ gir mǝnana nggurǝ earkiyi ce ka. Sǝ aɓwana mǝnana do malea ka Bangŋo na kǝ gingnǝia ka, ɓabumia nǝ̀ pa arǝ gir mǝnana Bangŋo earkiyi ce ka.

Ɓakuli ka girban nǝ Muni ɗang, pa Muni ace sǝm kat! Sǝ ɓǝ̀ pa Muni ace sǝm ngga, pà nǝ̀ gandǝ pa sǝm ɓoro nǝ agir gbal kat re?

Bangŋo mala Ɓakuli nǝ ɓamuri ka, kǝ bangga sǝm a ɓabum sǝm ama kàngkàng mǝsǝcau na sǝm nda ka amuna mala Ɓakuli. Sǝ acemǝnana sǝm nda ka amuna male ka, sǝm nǝ̀ kum banì ma'sǝm mala liɓala male, mǝnana ci ace aɓwana male ka. Ɗǝm ngga, sǝm nǝ̀ kum sǝnǝa Yesu, gir mǝnana kat Ɓakuli ci ace ka. Ɓǝ̀ kàngkàng sǝm nu tanni ata Kǝrǝsti ulang mǝnana nu ka, sǝm nǝ̀ kum gbal aɓa male yì gulo.

Lǝmndǝ ama aɓwana mǝnana à dum nǝ ɓabum mala kpata nggūrǝu ka, à dumǝna aɓibura mala Ɓakuli; yia ka à kǝ kpata nzongcau mala Ɓakuli ɗang, sǝ aɓa mǝsǝcau ka, à pà nǝ̀ gandǝ kpate ɗang.

Agirbunda mǝnana Ɓakuli pusǝia ka, à nda rǝ kúndǝo, nǝ rǝɓǝla, arǝ pwari mǝno Ɓakuli nǝ̀ lǝmndǝ rǝ amuna male amǝɓafoe nǝi ka.

Sǝm sǝlǝna ama agir mǝnana à pusǝia a ɓanza kat ka, à nda ban ingge aɓa kwanban, kǝla mɓwama mǝnana nda aɓa kwanban mala gbashi ka, ba yalung.