Popular Bible Verses from Amǝ Roma 6

Share

Tangnakusǝ cauɓikea ka, lú na, sǝ ɓoro mala Ɓakuli ka, nda yilǝmu mǝnana málá male pà kàm raka, nǝ bu Kǝrǝsti Yesu Mǝtala sǝm.

Cauɓikea ka pà nǝ̀ duk gbani amur wun ɗang, acemǝnana wu pa ɗǝm aɓata Nggurcau ɗang, wu nda aɓata ɓwamuru mala Ɓakuli.

Sǝm ngga, sǝm wú, sǝ à tsǝk sǝm a ɓembe sǝnǝa Kǝrǝsti nǝ batisǝma mǝnana à pakka sǝm ngga. Kǝla mǝnana Kǝrǝsti loapi ɓembe nǝ yilǝmu aɓa rǝcandǝa mala Ɓakuli Tárru ka, sǝm gbal ka, sǝm nǝ̀ dukdo bǝsa yilǝmu.

Wu kǝa pà abare nggurǝ wun aban cauɓikea ɓǝa duk agirturo mala ɓealɓikea ɗang. A kun mani ka, wu pe Ɓakuli rǝwun, kǝla aɓwana mǝnana à loasǝnia a lú à kumǝna yilǝmu ka; sǝ wu pà abare wun aban Ɓakuli ɓǝa duk agirturo ace turo cauɓoarna.

Sǝm sǝlǝna ama, ɓeal sǝm mǝ'e ka, à gballìni amur nggun-gangndi andǝa Kǝrǝsti, ace mǝnana ɓǝ̀ rǝcandǝa mala kpata ɓamur rǝ sǝm mǝ'cauɓike ka ɓǝ̀ kiɗikea, sǝ anggo ka ɓǝ̀ sǝm ngga duk aguro aɓata cauɓikea ɗǝm ɗang.

Anggo gbal, wu sǝn ɓamur rǝ wun ado, wu nda ka alú aban cauɓikea, sǝ aban Ɓakuli ka, wu ndanǝ yilǝmu aɓa Kǝrǝsti Yesu.

Mana ɗǝm sǝm nǝ̀ na? Sǝm nǝ̀ lidǝmbǝa aɓa cauɓikea, ace mǝnana ɓǝ̀ ɓwamuru ɓǝ̀ gul ka le? Awo! Ɓakuli twalbani! Lang sǝ sǝm mǝnana sǝm angŋa dǝmbǝa sǝm wunî cauɓikea ka, sǝm nǝ̀ lidǝmbǝa nǝ do ɗǝm a ɓalǝi le?

Wu sǝlǝ mbak ama, ɓwa mǝnana wu pa ɓamur rǝ wun, wu kǝ oki wi kǝla aguro ka, wu dumǝna aguro male, ko mala cauɓikea na, mǝnana nǝ̀ kánǝ wun a lú, ko mala okiru mǝnana nǝ̀ kánǝ wun a docauɓoarna ka?

Ɓǝ̀ sǝm pakki Ɓakuli yàwá ama, wun mǝnana ɗiɗyal, wu nda ka aguro mala cauɓikea ka, adyan ngga, wu kpana ata mǝsǝcau mǝnana wu kumi aɓa kanigir ka, nǝ ɓabum wun kat. Adyan ngga, à panzǝna wun a bu cauɓikea, ado ka, wu dumǝna aguro mala cauɓoarna.