Popular Bible Verses from Amǝ Roma 4

Share

Pa eare mala Ibǝrayim nǝ́ gir mǝnana Ɓakuli na ama nǝ̀ pe ka, dǝurǝ ɗang. Aɓa mǝsǝcau ka, paɓamuru male aban Ɓakuli lidǝmbǝa nǝ rǝcandǝa, andǝ gusǝlǝ Ɓakuli. Yì ka, earǝna nǝi nǝ ɓabumi kat ama Ɓakuli nanǝ rǝcandǝa nǝ̀ lumsǝ gir mǝnana bangŋǝna ama nǝ̀ pè ka.

Kǝla mǝnana à gilǝì aɓa Malǝmce ka, Ɓakuli ne wi ama, “Mim ngga ǝn tsǝ́ngŋǝno a dumǝna tarrû amur aɓwana arǝ anzali pas.” Mǝnia ka pa anggo, acemǝnana Ibǝrayim earnǝ Ɓakuli mana kǝ loasǝ alú nǝ yilǝmu sǝ kǝ pusǝ agir mǝbǝshe aban mǝnana kǝgir pà kàm raka.

À twali à pea aɓwana ɓǝà wal-luí ace acauɓikea ma'sǝm, sǝ à yì loasǝi nǝ yilǝmu ace mǝnana ɓǝà pǝlǝ sǝm ɓǝ̀ sǝm duk amǝ'cauɓoarna aban Ɓakuli.

Kat andǝ amani ama kǝgir pà kàm mana nǝ̀ pe Ibǝrayim tsǝkɓalǝu ama nǝ̀ kum muna raka, lidǝmbǝa nǝ tsǝkɓalǝu. Pa eare ama nǝ̀ duk tarrû amur aɓwana arǝ anzali pas, acemǝnana Ɓakuli bangŋǝni wi ama, “Anggo sǝ lakki mala amǝkeo nǝ̀ pa.”

Ace mani ka, nǝ́ guli a rǝ Ɓakuli sǝ ɓwa nǝ̀ kum gir mǝnana Ɓakuli pàcau ace ka. Ɓakuli pe anggo ace mǝnana ɓǝa sǝlǝ ama kàngkàng gir mǝnana pàcau ace ka nǝ̀ ɓwamur aɓwana nǝi, yia aɓwana kat mǝnana amuna mala Ibǝrayim na ka. Mǝno yì ɓwamuru ka pa ace amǝ Yahudi mǝnana à kpakiyi ata Nggurcau ka nǝmurǝia ɗang, nda gbal ace aɓwana mǝnana à earnǝ Ɓakuli, à guli a rǝì kǝla mala Ibǝrayim ngga. Ibǝrayim ngga nda tar sǝm kat.

“Tsǝkbu mala Ɓakuli na amur aɓwana mǝnana à twalǝnia wia ban amgbikiru malea, sǝ à esǝkinia wia acauɓikea malea ka. E, tsǝkbu na amur ɓwa mǝnana acauɓikea male ka Mǝtalabangŋo pà nǝ̀ cia a bumi raka.”

Acemǝnana Malǝmce bangga sǝm ama, “Ibǝrayim ngga earnǝ Ɓakuli, sǝ Ɓakuli é mǝ'cauɓoarna na ace paɓamuru male.”