Popular Bible Verses from Jo-Efeso 6

Share

nimar wasigu mwakedogo ok gin dhano, to wakedo gi joloch gi joma nigi teko, kod ruodhi mag piny motimo mudhoni, kaachiel gi lang chuny maricho ma ok mag pinyni.

Keturu chunyu pile kuom lemo, kukwayo Nyasaye mondo okonyu, kulemo kuom Roho kinde duto. Ritreuru kuom wachni odiechieng’ gotieno, kendo timuru kinda kukwayo ni jo-Nyasaye duto.

Manreuru gi gilweny duto mag Nyasaye, mondo uyud teko mar siro wuond mariek mag Satan

Omiyo, manreuru gi gilweny mag Nyasaye sani, mondo usir wasigu chieng’ ma lweny gerie, kendo kusetimo duto munyalo, to nonwang’ kapod uchung’ motegno.

Ting’uru yie ka okumba kinde duto, mondo uneggo aserni makakni ka mach mag Ng’ama Rach. Rwakuru warruok ka ogut lweny, kendo makuru wach Nyasaye ka ligangla ma Roho miyou.

Kuom mano, nyonuru piny motegno, kutueyo adiera ka okanda e nungou, kendo kurwako tim makare ka gilweny mag akor, kendo rwakuru ikruok mar lando Wach Maber mar kue ka wuocheu.

To wach mogik en ni, beduru motegno kuom Ruoth, kendo kuom tekone maduong’.

Chik mokwongo man gi singruok kuom Chik Apar e ma: “Luor wuoru gi meru, eka mondo ine maber, kendo idag aming’a e piny.”

Un nyithindo, winjuru wach jonywolu, nikech timo kamano en gima kare kuom Ruoth.