Popular Bible Verses from 提摩太後書 1

Share

因為，上帝所賜給𠊎等个靈，毋係愛使𠊎等變無膽；顛倒，佢个靈會使𠊎等充滿力量、愛心、㧯節制。

上帝拯救𠊎等，呼召𠊎等做佢聖潔个子民，並毋係𠊎等有麼介好行為，係因為佢个旨意㧯恩典。在萬世以前，佢已經通過基督耶穌將這恩典賜給𠊎等了；

所以，𠊎提醒你：𠊎為你按手个時，上帝賜給你个恩賜，你愛使它像火恁樣𤏸下去。

因為恁樣，為𠊎等个主做證這件事，你毋好看做見笑，也毋好因為𠊎為主个緣故成做囚犯來感覺見笑。你愛照上帝所賜个力量，為福音相共來分擔苦難。

所以，𠊎正會受到這兜苦難。總係，𠊎毋會感覺見笑，因為𠊎認識𠊎所信靠个上帝 ，也深信佢會保守佢所交託𠊎个 ，直到主再來該日。