Popular Bible Verses from 提摩太前書 6

Share

在信仰个比賽頂高，你愛盡命仔走，為自家贏到永遠个生命；為到這個永生，你被上帝呼召，也在多多證人个面前，已經公開宣告這美好个信仰。

貪財係萬惡个根源。有兜人因為貪愛錢財就離開信仰个道路，自家受盡痛苦，傷害心靈。

無毋著，人若知足，敬虔的確會使佢得到大利益。

𠊎等來這世間，雙手空空；𠊎等也帶毋走麼介！

該兜在今生富足个人，你愛警戒佢等：毋好驕傲；毋好將希望放在無定著个錢財頂高；反轉愛倚靠將萬物豐豐富富賜給𠊎等享受个上帝。

該兜想愛發財个人陷入誘惑个底背，被多多無知㧯會害人个慾望纏等，最後就沈淪滅亡掉去。

愛吩咐佢等行善，在好事上富足，甘心救濟，樂意分享。 恁樣做，就係為自家積存財寶，為將來建立堅固个地基，來把扼真个生命。