Popular Bible Verses from EFESO BATII 6

Share

Diekye diele batii buɔkpɛko. Kafɔɔ ninwuna kamɛ basientɛ ku ninwuna kamɛ banyayilatɛ ku kayi ka mmle ditunu kamɛ banyayilatɛ ku asaa kpile ɔbla anwuna ya ninkpe ni kɔɔfɛɛfɔ kamɛ di osi nikɔkpɛ.

Bita Yaa Ninwuna nwu nkpo ditɔɔkpaa ye biɛtɔɔpɛ ɔlaa bitɔɔta Yaa obe lele, biɛkaalɛ nwɔ osie kanya bilɛ akyakaako ye. Nle mmle oso bita anu lee ate kesekese, biekpee okyiini, biɛtɔɔpɛ ɔlaa bitɔɔta di Yaa batii bamuu disi.

Biyɔ Yaa akpɛsaa ya amuu ɛɛta ye ni bikpee, mmle okle bibafuo oyila mintĩi ni Abonsam kakyɔnkyɔ sisuku nɔɔ simuu.

Nkpo oso, biyɔ Yaa akpɛsaa nwu nkpo amuu bikpee alɛ nse dii kpile nwu nkpo lewo yi, biafuo oyila minkpɛ kakpɛ minaase kaase. Nii nni nkpo sɛma yi, biafuo okple oyila osie kanya.

Diɛkyakaa ni di n-ya mmle suoto yi, obe lele biyɔ ofũ onu biklee fɛle kubi difunsaa. Ni bibafuo ɔyɔ otĩi Abonsam kɔtaa ko ɔɔtaa ni ku ɔtɔ kanya oniisa. Biɛyɔ Yaa didiki nwu nkpo bitukũ fɛ kakpɛ lɛbɔɔsaa lekoto. Biɛyɔ kafɔɔ Yaa ɔlaa nwu nkpo ninle ni Ninwuna kamɛ kapamĩi biklee osie kanya.

Nkpo oso bilolaa suoto biyila biɛyɔ nwaako ɔlaa nwu nkpo binii ɔtɔ fɛ ofiamɛ. Biɛyɔ ɔsaabla tinini bifuusa nintɛɛ fɛ ntɛɛ kubi difunsaa. Bielolaa suoto biɛyɔ atoko ɔkyɛ ole ɔlaa nwu nkpo obuɛ kafɔɔ bikpee ninkpaa fɛ ntokota.

Lɛyɛntɛle, babiloo, biwɛ osie di Saate nwu ku osie kplɛ nɔɔ nwu kamɛ.

“Bu teefɔ ku yaafɔ,” ninle kufiofa kasale ko beebuɛ ɔlaa beetikasa ko ni alɛ, “Asaa amuu kamalɛ anta fɔ, fabasiɛ nkpa kaanale kaasɔ ka mmle suoto.”

Babisɔ, bibu balofotɛ lee di Kristo osuku kanya, diekye nle mmle ninle lɛsaa biene le dikpe ni alɛ biɛbla ni nɛ.