Popular Bible Verses from 2 Kòríntì ŋa 5

Share

Tsí bí Kírísítò tse ɔ̀kã̀ntso bá ɔ̀nyà-kã̀ gbo#ɛ́, ɛnɛ nyɛ̀ŋɛ̀ ɖi ɔ̀nyà titɔ̃. Iŋɛ́-dzɔ̀ɔ́ dzɔ̀ɔ́ ŋa wáa lɔ, iŋɛ́ titɔ̃ ní wà báàyí#ɛ́.

Kírísítò kò dzàbi-kã̀ kpókpó. Ó ɖi, Ɔ̀ɖáyé mú àbi-wa ŋa, tsí ń rù ńǹtá‐ɛ̀, àtsùgbée kó gbà ńǹtá‐ɛ̀, tsí gbà wá nɔ́ɔ̀nyà-atsòtítɔ́ nódzú-ara‐ɛ̀.

Fee, àkaralé ní àa wà ń gbɛ̃́ ara-wa#á, kò tsi iŋɛ́ yèé àa wà rí òŋu odzú#ɛ́ ni.

Tsí iŋɛ́ nyɛ̀ŋɛ̀ kpó náa ti ńɖi-Ɔ̀ɖáyé ni. Ó gbà ńǹtá-Kírísítò, tsí tɔ́tse àŋírĩ-àwa‐ɛ̀ méèdzì, tsí ó mú itsɛ́-kã̀ gbo bɔwɔ́-wa. Itsɛ́#ɛ́ ní wà dzɛ́ ní àa kó gbɛ̃́ ɛnɛ-àtíbɔ̀ ŋa wá ńɖɔ̀-òŋu, tsí òŋu kó tɔ́tse àŋírĩ-òŋu-ŋa méèdzì#ɛ́. Nóòtítɔ́#ɛ́, Ɔ̀ɖáyé gbà ńǹtá-Kírísítò, tsí wà tɔ́tse àŋírĩ-òŋu ayé gbaŋgba#á méèdzì. Ó tse bɛ́ɛ̀ náàrì tɔ́ àbi yèé ŋa ɔ̀nyà ŋa dzɛ#ɛ́ si fú ŋa si. Tsí ó mú itsɛ́ bɔwɔ́-wa ní àa kó dzíkɔ̀ fú ɛnɛ-àtíbɔ̀ ŋa ní òŋu tɔ́tse àŋírĩ-òŋu ɔ̀nyà-ayé yèé ŋa méèdzì.

Ńbɛ̀ɛ́, Kírísítò mú wa, tsí ń kparɔ arũ-ara‐ɛ̀ ni. Ɔ̀ɖáyé òŋu ká‐ɛ̀ ní wà gbà ńǹtá-wa, tsí wà kpe ɔ̀nyà ŋa#á. Ó ɖi, àa wà mú Kírísítò, tsí wà ń tsìkálɛ̀ fú ŋa ní ká dzɛ́, tsí Ɔ̀ɖáyé kó tɔ́tse àŋírĩ-òŋu-ŋa méèdzì.

Kírísítò kú si nárũ-ɔ̀nyà kpó, àtsùgbée bí ɔ̀nyà-kã̀ wà náàyɛ̀ si#ɛ́, kó máa wà fú ara‐ɛ̀ ró. Kó wà si fú ɛnɛ yèé kú si nárũ‐ɛ̀, tsí dzí ti náàŋírĩ-òkú ŋa wá náyé#ɛ́ ni. Báàyí#ɛ́, àa kò wà módzú yèé ɔ̀nyà-ayé yèé ŋa náa ń wonɛ#ɛ́, tsí wà ń wo ɔ̀nyà-kã̀ ró. Bí ó dzɛ́ gìɖì ní dzɔ̀ɔ́ dzɔ̀ɔ́#ɛ́, àa módzú yèé ɔ̀nyà-ayé yèé ŋa náa ń wonɛ#ɛ́, tsí ń wo Kírísítò#ɛ́, báàyí òŋu#ɛ́, àa kò wà módzú-ìrɔ́ nyɛ̀ŋɛ̀, tsí wà ń wòó ró.

Àwa òŋu, àa rí mà ní ɔ̀nyà ɔ̀kã̀ntso kú si nárũ-ɔ̀nyà kpó, tsí ɔ̀nyà kpó wà kíbí ó kú si bɛ́ yí. Àwa yèé ŋa rí mà bɛ́ɛ̀#ɛ́, àmúɖɔ̃̀-Kírísítò#ɛ́ náa wà télè wá gé ni.