Popular Bible Verses from Ebu 8

Share

Ne bena u ka hakɛw bɛɛ to u ye. Ne tena u ka kojuguw koo to n dusu la tugu.»

O loonw tɛmɛnin kɔ, n bena bɛɛn min sigi ni Isirayɛlidenw ye, o filɛ nin ye. Ne Matigi le ko ten. Ne yɛrɛ bena n ka sariya don u dusu la, n koo ka to u kɔnɔ. Ne bena kɛ u ka Ala ye, olu bena kɛ ne ka mɔgɔw ye.

O tuma na, u si tena na u baden, walima u tɔɲɔgɔn kalan ne ka koo la tugu. Bari, u bɛɛ bena ne lɔn, k'a ta denmisɛnw ma fɔɔ ka taga bila mɔgɔkɔrɔbaw ma.

Ala tun y'a ka mɔgɔw jalaki. O la, ko: «Loon dɔ bena se, ne Matigi le ko ten. Ne bena n ka bɛɛn lakuraya ni Isirayɛli mara mɔgɔw ani Zuda mara mɔgɔw ye.

Ayiwa, an ye min bɛɛ fɔ ka tɛmɛ sisan, a kunba filɛ nin ye: an k'a lɔn k'o sarakalasebagaw kuntigiba ɲɔgɔn le b'an fɛ. A tagara sigi Setigi Ala kinibolo la sankolo la.