Popular Bible Verses from Kor 2nan 4

Share

An ka miiriya te fɛɛn yetaw kan, fɔɔ fɛɛn yebaliw. Fɛɛn minw be ye, olu be tɛmɛ, nga fɛɛn yebaliw te tɛmɛ abada.

O le y'a to an jigi te tigɛ fewu, hali n'an yɛrɛ farisogo be cɛn ka taga, an nii be lakuraya loon o loon. Waati dɔɔni tɔɔrɔ minw b'an sɔrɔ, o te foyi ye. An bena boɲa min sɔrɔ o tɔɔrɔ nin kosɔn, o ka bon haali.

An dɛrɛnin be tɔɔrɔw fɛ faan bɛɛ la, o bɛɛ n'a ta, an be yen. An hakili ɲagaminin be, nga an jigi ma tigɛ. U y'an tɔɔrɔ kosɔbɛ, nga Ala m'an bila. U y'an bugɔ k'an ben, nga an tɔɔ ma laban.

Nga o baara nafaman dira an ma, an minw fanga ka dɔgɔ i n'a fɔ bɔgɔdaga, waasa mɔgɔw k'a lɔn k'o sebagaya kabakoman nin ma bɔ an na, fɔɔ Ala.

Minw te la Ala la, diɲɛ kuntigi Sutana ye olu hakili dibi waasa u ka na se ka kibaru diman yeelen ye min be Krista ka nɔɔrɔ yira, ale min ye Ala jaa ye.

Bari Ala min tun y'a fɔ ko kɛnɛ ka bɔ dibi cɛma, ale kelen le ye yeelen bɔ an dusu la, waasa mɔgɔw k'a ka nɔɔrɔ ye, min be manamana Krista ɲada kan.