Popular Bible Verses from Tim fɔlɔ 1

Share

Nin kuma ye tiɲɛ ye mɔgɔ bɛɛ ka kan ka sɔn min ma: Yezu Krista nana diɲɛ na waasa ka hakɛkɛlaw kisi. Ne tun ka jugu olu bɛɛ cɛma.

Ne min tun ka jugu u bɛɛ cɛma, ni Ala hinɛna ne la, a b'a fɛ Yezu Krista k'a ka ɲumanya le yira k'o kɛ taamasiɲɛ ye mɔgɔw fɛ, olu minw bena la ale la ka nii banbali sɔrɔ.

O ladikun ye min ye, o ye ka kanuya sɔrɔ min be bɔ dusu gwɛnin na, ni miiriɲuman na, ani jigisɔbɛ la.

Boɲa ni tanuli ka kɛ tuma bɛɛ waati bɛɛ Masa Ala yebali ye, ale min te sa, ale min kelen ye Ala ye. Amiina.

An k'a faamu fana ko sariya ma sigi mɔgɔɲumanw kama, nga a sigira banbagaw le kama, ni mɔgɔmurutininw, mɔgɔjuguw, hakɛkɛlaw, Alaɲasiranbaliw, ani minw be Ala tɔgɔ cɛn, ni minw be u faa, walima u baaw faga, ni mɔgɔfagalaw, kakalaw, ani cɛɛ minw be ɲɔgɔn ɲini i n'a fɔ cɛɛ ni muso, mɔgɔjagolaw, galontigɛlaw, minw be kali fu, ani mɔgɔ minw ka kɛta te bɛn ni kalanɲuman ye.