Popular Bible Verses from 1 Tesalonika 5

Share

Viŋ kɨ ŋaytə ghee nshə, shɔꞌtə Nwi ghee nshə, bwaŋ ŋwə maa vənu vənshə, buꞌ laa nu ŋkɨə faŋ Nwi kəə, lùu laa viŋ kɨ yɨsə nɨniŋ maa yizii Yeso Kristo.

Nshɨ-tɔ Nwi faŋ ŋwə lùu Nwi mənɔŋ-bwaŋnə nə, yɨsə viŋ baw shɨlə maa vənu viŋ vənshə! Bàw ŋwə jia zwitə kiŋ nə fwi siŋ nə ŋwaa wiŋ, laa viŋ baw mètə, tuu wee-ndoꞌ kee lùu maa viŋ me, maa shi ŋkɨə faŋ tɨta ŋwaa-nsiŋ Yeso Kristo ndɔ bəŋ jwi. Nwi, faŋ ŋwə tìi viŋ nə, lùu wuu yinsəŋ. Ŋwə ndɔ baa yɨ nu kɔ́.

Viŋ kɨ ye laa kɨ wə bəŋsə bwə nə bwə me. Viŋ bee kii kɨ yɨ̀sə jəə maa viŋ, viŋ viŋ, baa luu yɨ̀sə jəə maa vɨɨ vənshə.

Nɨniŋ, viŋ weꞌsə wə nə wə, gaŋtə wə nə wə maa mənuŋ fwi maa Nwi, kɨ yɨsə nɨniŋ, sheꞌ faŋ viŋ yɨsə nə.

Vaŋ-nshwi via, yia tɨsə viŋ laa viŋ kɨ bɔŋsə vɨɨ faŋ vəŋ toꞌ fɨ maa jɨɨ yigɨŋkə, baa bàwsə fwisə vɨɨ mbɨə faŋ fwisə vəŋ lɔ̀ꞌ. Viŋ kɨ gaŋtə vɨɨ mbɨə faŋ vəŋ kee lùu vəweꞌ maa nu Nwi me. Viŋ kee gəŋsə vɨɨ vənshə.

Viŋ yɨ nɨniŋ buꞌ laa Nwi nə kee nùŋ nsiŋ laa nsɔꞌ yi ndɔ jia nsiŋ me. Ŋwə nə tìi nsiŋ laa nsiŋ ndɔ zɨ məbwey vəlwaŋ fɨ yiba tɨta ŋwaa-nsiŋ Yeso Kristo

Viŋ vənshə lùu vɨɨ taa məley, baa lùu vɨɨ shi kɔ́. Nsiŋ kee lùu vɨɨ fu vətuꞌ me, kee lùu vɨɨ mfiŋsə me.