Popular Bible Verses from Ezikɛl 37

Share

Ndoŋ nna nɛ e kaŋɛ: “Malga n sa awibi nɛ a wɔl n fuli na nseŋ kaŋɛ amo nɛ e nu Enyɛnpe Ebɔrɛ na be kamalga. Kaŋɛ amo fanɛ le nɛ ma Enyɛnpetale Ebɔrɛ na kaŋɛ: Meeŋ shin nɛ efute e ba menyi to nɛ men naŋ nya ŋkpa.

Ma alɛ beeŋ sa menyi achin nɛ eblaŋ, nseŋ shin nɛ kawɔl e ba buu menyi so. Kumo be kaman nɛ n sa menyi efute nɛ men nya ŋkpa. Ndoŋ nɛ menyeeŋ pin fanɛ ma e la Enyɛnpe Ebɔrɛ na.”

Nɛ e bishi ma: “Dimɛdi pibi, Ezikɛl, awibi ere beeŋ naŋ tiŋ m ba ŋkpa to a?” Nɛ ma alɛ kaŋɛ: “Enyɛnpetale Ebɔrɛ, fo nawule e naŋ tiŋ m pin kumo be loŋ!”

Saŋko ka fo nɛ Enyɛnpe Ebɔrɛ na be eleŋgboŋ na gbelge ma so nɛ mbe Kiyoyu ta ma ŋ gbelge to n yɔ ketaŋɛ ko to nɛ awibi sɔ kaplɛkama a dese. Ndoŋ nna nɛ Enyɛnpe Ebɔrɛ na keta ma n nite ketaŋɛ na to nɛ n wu fanɛ awibi na daa shi nseŋ daŋ wɔl n fuli a dese.

Ndoŋ nna nɛ m malga n sa awibi na fanɛ kananɛ Enyɛnpe Ebɔrɛ kaŋɛ na. Ŋ kraa malga nna nseŋ nu egbri ko fanɛ basa ka bee kpla enɔ na nɛ awibi kɔŋkɔŋ na fara a chɛ abar so. Ŋ kraa yil a keni amo nna nɛ achin nɛ eblaŋ nɛ kawɔl ba buu amo so. Ama ŋkpa daa maŋ wɔ amo to.